Руханият • 11 Қыркүйек, 2020

Эволюциялық даму маңызды

51 рет көрсетілді

Алматыда Достық үйіне жиналған республикалық этномәдени бірлестіктердің өкілдері Қазақстан халқы Ассамблеясы Төрағасының орынбасары Жансейіт Түймебаевтың қатысуымен Мемлекет басшысының «Жаңа жағдайдағы Қазақстан: іс-қимыл кезеңі» Жолдауын іске асыру мәселелерін талқылады.

Жолдаудағы негізгі басым­дықтарды талдай отырып Ж.Түймебаев елдегі жағдайдың нақ­ты және егжей-тегжейлі тал­дануы мен экономикалық-әлеу­меттік салалардағы, мем­ле­кеттік басқару, қаржы саласындағы дамуды тежейтін себептерге, реформалар барысына тоқталып, «Әлеуметтік-экономикалық да­муымызды сапалы деңгейге жеткізу әлеуметтік әділеттілік, тиімділік пен бәсекеге қабі­лет­тілікке негізделген», деп атап өтті.

Бүгінде қоғамдық өмірдің барлық саласы терең рефор­малауды қажет етеді. Заң­ның үстемдігі, адам мен аза­мат­тың құқықтарын сақтау мемлекеттік басқарудың жаңа моделі арқылы жүзеге асырылады. «Халық үніне құлақ асатын мемлекет» моделі басқару ісіне азаматтардың араласуымен жүзеге асатын болады. Жолдауда стратегиялық ба­сым­дықтармен сабақтаса келе «Ұлттың жаңа сапасына» ба­рынша көңіл бөлініп отыр. «Рухани жаңғыру» бағдар­ла­масының жалғасына айнала отырып, қоғамдық сана­ны жаңғыртудың жаңа басым­дық­тары «жауапты мемлекет – жауапты қоғам – жауапты адамның өмірінде көрініс беретін болады. Дәл осы реформалардың синергиясы революциялық тиімділікке қол жеткізбек. Жол­даудағы мақсаттарға жету – қоғамдық келісім мен жалпы­ұлттық бірлік, сонымен қатар тұрақты Қазақстанды құрудың негізі. Әрқайсымыз алдағы ре­формалардың құрылымдық күрделілігі мен тереңдігі үшін Қазақстанның революциялық емес, бірмәнді эволюциялық да­муы қажет екенін түсінуіміз керек», деп атап өтті Қазақ­стан халқы Ассамблеясы  Төр­ағасының орынбасары.

Одан әрі қарай Ж.Түймебаев Мемлекет басшысының тапсырмасымен этносаралық қа­ты­настар саласындағы мемле­кеттік саясат тиімділігін арттыру бойынша бірқатар шаралар қабылданғанын атап өтіп, рес­публикалық этномәдени бір­лес­тіктердің басшыларынан өз бірлестіктерінің белсен­ділерімен кездесулер өткізуді, Жолдауды түсіндіруге және іске асыруға қатысу мәселелерін талқылауды тапсырды. Осы орайда этностық бұқаралық ақпарат құралдарының ресурс­тары осы қызметке барынша белсенді атсалысуы тиіс. Этно­мәдени бірлестіктер халықты шағынбизнес негіздеріне оқыту саласында жобалар әзірлеп, жүзеге асыруы да уақыт күттір­мейді. Қазірдің өзінде этно­мәдени бірлестіктерде бірқатар ба­ғытты ұйымдастыру қажет. Ауылда өмір сүру сапа­сын және жұмыспен қамту­ды жақсарту аясында «Әр ауыл­дың өз шеберлері» оқыту жо­басы жос­парланып отырса, «Отбасылық бизнес –  әл-ау­қат негізі» жобалары да же­тіл­дірілетін болады. Сонымен қатар көпұлтты отбасылар бойынша жоба жүзеге асырылады.

Аталған жиында ма­ңыз­ды құжат жүктеген міндет­терді жүзеге асыруға байланыс­ты Ақпарат және қоғам­дық да­му вице-министрі М.Әзіл­ха­нов, Парламент Мәжілісі Төр­­аға­­сының орынбаса­ры В.Бож­­ко, Мәжіліс де­путат­­тары А.Му­радов, Ю.Тимо­щенко, Ш.Ну­румов, сондай-ақ этнобір­лес­тік­тердің жетекшілері сөз сөйледі.

Соңғы жаңалықтар

Фотосуреттің тарихы...

Тарих • Бүгін, 15:00

Поэманы суретпен бейнеледі

Аймақтар • Бүгін, 13:35

Еуропадағы антирекордтар

Әлем • Бүгін, 11:54

Өртте өлген мал саны нақтыланды

Аймақтар • Бүгін, 11:40

Қазақстанда доллар арзандады

Экономика • Бүгін, 11:12

Ұқсас жаңалықтар