Полицейлер бірнеше күн бұрын мола маңында көзге түскен 10-12 жасар үш жасөспірімді анықтады. Күдіктілер өздерінің аталған фактіге қатыстылығын мойындады. Балалардың санасына өлген адамдарға деген құрметтің егілмегендігі, зират, мола маңына барғанда жүректе өмірден ерте кеткендерге, туыстарына деген аяныш, өкініш сезімі болуы керектігі айтылмағандығы осыдан көрініп тұр. Еріккен балалар басқа ермек таппай өздеріне қарсылық көрсете алмайтын моланы талқандағаны сол. Бұл мәселені полиция ғана емес жергілікті оқу бөлімі де талқылап, оқушылардың санасына мола маңының тыныштығын бұзбау туралы тәрбиелік сағаттар өткізгені дұрыс-ақ.
"Сотқа дейінгі тергеп-тексеру шеңберінде қосымша тергеу әрекеттері жүргізілуде, аталған амалдар аяқталған соң түпкілікті процессуалдық шешім қабылданатын болады. Қайтыс болған адамдар жерленген жерлердi қорлау фактісі сотқа дейінгі тергеп-тексерудің бірыңғай тізіліміне енгізілді", - деді Айыртау ауданы ПБ бастығы Абылғазы Ғабдуллин.
