Пікір • 16 Қыркүйек, 2020

Ертеңге деген сенім еселене түсті

10 рет көрсетілді

Мемлекет басшысы Қасым-Жомарт Тоқаев­тың ел халқына ар­наған жаңа Жолдауында басты жеті қағидатқа негізделген жаңа эконо­микалық бағдардың бесінші бөлігі қолжетімді әрі сапалы білімге байланысты айтылған еді.

Расында да, дүние жүзін дүрлік­тірген коронавирус індетінің салдарынан мектеп оқушылары мен студент­тердің басым көпшілігі қашықтан оқуға мәжбүр болғаны анық. Біздің еліміз де мұндай өзгерісті дер кезінде қолданысқа енгізіп, батыл қадамдарға бет бұрды. Алайда білім саласы мұндай соны өзгеріске аса бір дайын болмай шықты. Өйткені бұрын бетпе-бет кел­ме­ген бұл саланың өзіндік ой-шұқыр­лары жеткілікті еді. Соның ең негізгісі деп онлайн-платформаның да­йын болмауын санауға болады. Мұ­ғалім де, оқытушы да, оқушы мен студент те – барлығы бір мезетте қатар кіріп отырғандық­тан, мұндай шамадан тыс салмақты көрмеген көп платформаның белі «қайысып» жатты. Міне, осы ретте толыққанды оқу үдерісі үшін қажетті барлық функциялары бар бірыңғай онлайн білім беру платформасы ауадай қажет екен­­дігі білінді. Жолдауда осы мә­селе орынды көтерілді деп ойлай­мын. Бұлай болмайынша, онлайн оқытудағы білім сапасы ешқашан арта қоймайды.

Көптен көтеріліп келе жатқан жайттың бірі – мектеп оқу­шы­ларының қабілет-қарымын ай­қындап, кәсіби бағыт-бағдар беру саясатына көшу туралы еді. Бұл мәселе де Жолдауда өте орынды айтылды. Жыл сайын  кәсіби және жоғары оқу орындарына түсе алмай қалатын 21 мыңға жуық мектеп түлегін neеt жастардың қатарына қоспай, әу бастан еңбек пен кәсіпке баулысақ, қай жағынан да тиімді болатыны сөзсіз.

Ал бұдан кейінгі басты мәселе­нің бірі ұстаздар жалақысының төмендігі болса керек. Бұл  төңірек­те Мемлекет басшысы біршама батыл қадам жасады да және ұстаздар қауымының жалақысын өсіру мәселесін үнемі жадынан шығарған емес. Оқтын-оқтын бұл жайтқа оралып отыратындығы да сондықтан.  Ел Президентінің 2021 жылдың қаңтар айынан бастап мұғалімдердің еңбекақысын 25 пайызға көбейту туралы шешімі дәл осындай кезеңдегі өте бір маңызды қадам деп бағалаған болар едім. Ғылым мен білім алға озған осынау тұста ел болашағын тәрбиелеуді өз қолына алған ұстаздар қауымы  үшін  бұл бір жақсы жаңалық болғалы тұр. Қазақ ұстазы қуанса, қоғам кері кете қоймас.

Ал ғылымға көңіл бөлу алдыңғы қолға алған шаруалардың заңды жал­ғасы іспеттес. Әсіресе, «Жас ғалым» жоб­асы аясында зерттеу жүргізу үшін 1000 грант бөлу мәселесі де көптің көңілінен шықты. Үнемі ақсап, адымын түзей алмай келе жатқан қазақ ғылымына тың серпін, жаңа леп әкеледі ғой деп үміт артамыз.

Міне, ел ішіндегі мың сан мәселені бір Жолдаудың өн бойы­на сыйғызып, соншалықты ұтым­ды жеткізе білу – ел ертеңіне деген сенімді нықтай түссе керек. Жолдауда айтылған қадау-қадау дүниелердің бәрі орын-орнымен, рет-ретімен шешіліп, жарқын күндерге жол бастайды деп кәміл сенеміз.

 

Рақымбек Жолаев,

Түркістан облысы Адами әлеуетті дамыту басқармасының басшысы

Соңғы жаңалықтар

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар