Ақпараттар ағыны

*Алматыда жыл басынан бері 18 мыңға жуық жұмыс орны ашылды. Кеше бұл туралы мәлімдеген қала әкімі Ахметжан Есімов оңтүстік астанада экономикалық белсен­ді тұрғындарға шаққанда жұ­мыссыздар ретінде тіркелген­дердің үлесі 0,2 пайызды қам­тып отырғанын айтты.

*Алматыда жыл басынан бері 18 мыңға жуық жұмыс орны ашылды. Кеше бұл туралы мәлімдеген қала әкімі Ахметжан Есімов оңтүстік астанада экономикалық белсен­ді тұрғындарға шаққанда жұ­мыссыздар ретінде тіркелген­дердің үлесі 0,2 пайызды қам­тып отырғанын айтты.

*Кешеден бастап «Алма­ты-2 – Арыс-1» бағытында қосым­ша жедел жолаушылар пойызы іске қосылды. Ол аптасына бір рет, Алматы-2 стансасынан жұма, Арыстан сенбі күндері аттанады. Состав құрамында 10 вагон, оның ішінде 5 купе, 5 плацкартты вагон бар.

*Павлодарда «Инновация – болашақ энергиясы» атты халықаралық инновациялық форум болды. Оның пленарлық отырысында облыс әкімі Ер­лан Арын: «Біз жағымды инновациялық климатты қа­лып­тастыруға, өңірімізге орасан зор экономикалық әлеует пен бай табиғи ресурсы бар шетелдік, отандық және қар­жылық орталықтарды тартуға қызығушылық танытамыз» деп атап өтті.

*Шығыс Қазақстан облысының Көкпекті ауданында мұқтаж жандарға пәтер кілттері тапсырылды. Облыс әкімі Бердібек Сапар­баев «Жасампаз істер – ауыл келешегінің қамы үшін» атты керуен жұмысының аясында өткен шарада, сондай-ақ, оларға түрлі көлемде материалдық көмек ұсынды.

*Шымкентте қаланың ең қарт тұрғыны және жас сәбиіне құрмет көрсетілді. «Қала күні» мерекесі аясында өткен шарада шаһар басшысы Дархан Сатыбалды бастаған құттықтаушы топ 104 жастағы Назым Мәмбетәли әжейдің шаңырағында болып, сый ретінде үй кинотеатрын тарту етті. Ал 28 қазан күні дүниеге келген қаланың ең жас тұрғыны Қасымжомарт Шіренбайға өзіне лайықты сый-сияпат жасалды.

*Қызылордада мұнай ком­паниялары тұмауға қар­сы вакцина егуге қаражат бөлді. Бұл туралы облыстық мем­лекеттік санитарлық-эпидемиологиялық қадағалау бас­қармасы бастығының орынбасары Ұлбосын Аханаева мәлімдеді.

*Атырау облысы Жылы­ой ауданында апатты үйлер тұр­ғындары баспанамен қам­тамасыз етілді. Осы мақ­сат­та, облыстық жұмылдыру дайындығы басқармасы мен «Теңізшевройл» компа­ниясының келісімшарт жаса­суы арасында 195,0 млн. теңгеге Құлсары қаласынан 64 пәтер сатып алынды.

«ҚазАқпарат», «Қазақстан жаңалықтары», Bnews.kz, TengriNews, EgemenNews хабарлары бойынша дайындалды.