Коронавирус • 22 Қыркүйек, 2020

Құлсарыда коронавирустан соңғы екі пациент жазылып шықты

133 рет
көрсетілді
1 мин
оқу үшін

Құлсары – шағын қала әрі Жылыой ауданының орталығы. Аудандық орталық аурухананың бас дәрігері Нұрбек Үкібаевтың мәліметінше, мұнда коронавирус инфекциясын жұқтырғандар қатары 1078 адамға жеткен еді, деп хабарлайды Egemen.kz.

Құлсарыда коронавирустан соңғы екі пациент жазылып шықты

Қауіпті індеттің өршуіне байланысты аурухана жанынан 40 төсектік инфекциялық стационар мен 60 төсекке арналған провизорлық орталық жұмыс істеді. Ауруханаға демеушілер оттегі концентраторын алып беріп, көмек қолын созды.

"Енді міне, коронавирусқа шалдыққан соңғы екі пациент сауығып шықты. Қазір ауданда қауіпті індетті жұқтырған науқастар жоқ. Соған қарамастан емдеу мекемелері қорғаныш киімдерімен қамтылып, дәрі-дәрмектердің екі айлық қоры жасақталды", дейді Нұрбек Үкібаев.