Қойылым 26-27 қазан аралығында фестиваль YouTube арнасында көрсетіледі.
«Жыл сайын Тэгу қаласында өтетін бұл шара Нью-Йорк музыкалық фестивалінен (NYMF) кейін театр сүйер қауым үшін ең маңызды мәдени оқиға. Ұйымдастырушылар әлемнің әр түкпірінен үздік мюзиклдерді таңдап, корей көрермендеріне таныстырады. Фестиваль бағдарламасында «Жібек» спектаклінен басқа, 8 елдің мюзиклдері болды», – делінген мәдениет басқармасының хабарламасында.
Ғабит Мүсіреповтің (композиторы - Е.Брусиловский) «Жібек» мюзиклі мәңгілік махаббаттың қайғылы оқиғасы туралы баяндайтын қазақтың осы аттас эпопеясына негізделген. Қазақ халқының мәдениеті мен құндылықтарын бейнелейтін қойылымның режиссері - Қазақстанның еңбек сіңірген қайраткері Нұрқанат Жақыпбай. «Қыз Жібек» лирикалық шығармасының жаңартылған нұсқасы «Жастар» театрының репертуарындағы ең жарқындардың бірі және фестивальдар мен байқауларда бірнеше рет марапаттарға ие болды.
