Солтүстік Қазақстан облысында праймеризге 632 адам қатысты, олар бір ай бойы үгіт науқаны барысында өңірдегі әлеуметтік-экономикалық жағдайдың жақсарғаны туралы өз ойларын айтты. Петропавлда 106 үміткер тіркелді. Облыс бойынша үміткерлер сайлаушылармен 6 500 – ге жуық кездесу өткізіп, 123 500 адам қамтылды, облыс орталығында 700-ден астам кездесу өтті. Кездесулер барысында үміткерлер партия мүшелерінен 1200-ге жуық тапсырыстар жинады.
Құмар Ақсақалов атап өткендей, халықты толғандыратын тақырыптарға ТОП-5 мәселелерге тұрғын үйдің қолжетімділігі, жолдарды жөндеу, әлеуметтік қолдау, сондай-ақ денсаулық сақтау және білім беру деңгейін арттыру мәселелері кірді. Барлық айтылған мәселелер мен ұсыныстар партияның сайлауалды бағдарламасында көрініс табады.
"Әрине, әркімнің өз үміті болды. Біреу жеңіске қуанады, біреу осы кезеңде алға қойған мақсаттарына жете алмады. Жалпы, менің ойымша, мұнда жеңімпаздар мен жеңілгендер жоқ. Барлығы жеңді. Сіздер үшін праймериз сынақтың бір түрі болды. Сіздердің әрқайсыңызға белсенділіктеріңіз бен жемісті жұмыстарыңыз үшін алғыс айтқым келеді", - деді партия аймақтық филиалының төрағасы.
"Nur Otan" партиясы Петропавл қалалық филиалының 100-ге жуық праймериз қатысушылары алғыс хаттармен марапатталды. Үздік шыққан үміткерлер жеті арнайы номинация бойынша грамоталармен марапатталды. Дауыс беру күндері праймеризге қатысушылар үшін партия мүшелерінің 91,2% өз дауыстарын берді. Онлайн дауыс беруді 18 мыңнан астам адам пайдаланды. Бюллетеньдер арқылы өңірдің 7,5 мың нұротандық дауыс берді.
