Полиция қызметкерлері өткен жұма-жексенбіде мобильдік топтармен бірге жүргізген рейд кезінде топ адамды жинап, той өткізушілердің үстінен түсті.
«Атырау» ықшамауданындағы 17-көшедегі үйде 40-50 адам, ал Мечников көшесіндегі үйлердің бірінде 30-40 адам қатысқан той өткізілген. Студенттер көшесінде орналасқан мейрамханалардың бірінде өтіп жатқан тойда 80 адам, «Алмагүл» ықшамауданындағы мейрамханада тойланған туған күнде 50-60 адам, Тайманов көшесіндегі мейрамханада 50-60 адамның жинауымен той өткені анықталды. «Жерұйық» ықшамауданында орналасқан мейрамханадағы караоке-барға 15-20 адам жиналған» деп хабарлады облыстық полиция департаментінің баспасөз қызметі.
Ал «Лесхоз» ықшам ауданында және Владимирский көшесіндегі екі кальян-бар иесі де карантин режиміне қарамай, жұмыс істегені белгілі болды.
Осы деректерге қатысты жинақталған құжаттар Атырау қалалық тауарлар мен қызметтердің сапасы мен қауіпсіздігін бақылау басқармасына жолданды.
Атырау облысы