Бұл туындылар барша адамзатқа сұлулықты күтпеген жерден де көруге болатынын көрсетті. Оның жұмысының бірегейлігі – қалдықтарды керемет өнер туындыларына айналдыру. Көрермендердің көбі алдында тұрған пластикалық бейнелердің фотосы екенін бірден түсіне алмайды.
Баркердің фотосуреттері әсерлі. Оның жұмыстары 40-тан астам елдің баспаларында, соның ішінде National Geographic журналы, TIME журналы, The Guardian, The Financial Times және басқа да көптеген баспасөзде жарияланды. М.Баркер БҰҰ-ның штаб-пәтерінде, Лондондағы Виктория мен Альберт мұражайында және Гонконгтағы ғылыми-технологиялық паркінде, жалпы әлем бойынша көптеген көрме өткізді.
Батыл да көркем көзқарас және жетекші ғалымдармен, жалпы қоғаммен және ең беделді табиғат қорғау ұйымдарымен ынтымақтастық Мэнди Баркерді бірегей фотограф әрі белсенді ретінде танытты. Ол маңызды әлемдік саяси және экологиялық конференцияларда сөз сөйледі, Стэнфорд университетінде дәріс оқыды. Баркер жұмысының мақсаты – біз өмір сүріп отырған әлемге қамқорлықтың маңызын және болашақ ұрпаққа табиғатты сақтау қажеттілігін көрсету.
– Қазір Қазақстанда қоршаған ортаны қорғау мәселелеріне көбірек көңіл бөлінетіні қуантады. Біз Мэнди Баркердің тұтыну жауапкершілігі туралы туындыларын тағы бір рет еске салып, жастарды экологиялық мәселелер бойынша тәрбиелеуді көздедік, – дейді Telli Kazakhstan директоры Жанар Аленова.
Қазақстандықтарды заманауи фотосурет шедеврлерімен таныстыру үшін 2015 жылы Алматыда Telli галереясы ашылды. Жаһандық экология тақырыбы – Telli Gallery көрме бағдарламасындағы басты тақырыптардың бірі. Өнер қарым-қатынастың бір түрі ретінде тәрбиелеуге және қажетті ақпарат беруге қабілетті. Мэнди Баркер пластикті тұтыну мен оның зиянды әсері туралы өзінің туындылары арқылы өзгелермен қатынасқа шығады. Көрменің кішкентай келушілері үшін әлемнің үлкен картасы жасалды, онда балаларға қоқысты дұрыс сұрыптауды ойын түрінде үйретеді.
Достық даңғылы, 250 мекен-жайы бойынша орналасқан Телли галереясы Ұлыбританиядағы ең танымал фотограф жұмысының ғажап эстетикасын бағалауға шақырады.
