Тәртіп сақшылары тауарлар мен қызметтердің сапасы мен қауіпсіздігін бақылау бөлімшелерінің мамандарымен, дәрігерлер мен әкімдік өкілдерімен бірлесіп блокбекеттерде кезекшілік етеді.
"Мағжан Жұмабаев ауданы Булаев қаласында блокбекеттер 9 қазаннан бастап қойылды. Қазір аудан орталығына кіруді бірден төрт блокбекеттің қызметкерлері бақылайды. Мамлют ауданының Мамлютка қаласында екі блокбекет жұмыс істейді. 12 қазан күні сағат 00.00 - ден бастап жұмыс істей бастады", делінген хабарламада.
Естеріңізге сала кетейік, 9 қазаннан бастап Булаев қаласы қатаң карантинге жабылды. Сонымен қатар, Мағжан ауданында да карантин енгізілді.
