Әлем • 21 Қазан, 2020

Британдық инвесторлар Қазақстанмен ынтымақтастықты жалғастыруда

12 рет көрсетілді

Нұр-Cұлтан мен Лондонда қатар бейнеконференция форматында ұйымдастырылған «Kazakhstan Global Investment Forum 2020» қазақстандық-британдық инвестициялық форумы аясында жаңа инвестициялық мүмкіндіктер талқыланды.

Форум жұмысына өңдеу, ауыл шаруашылық, химия, тау-кен өндірісі және қаржы секторларының, сондай-ақ металлургия, баламалы энергетика, логистика және цифрлық технологиялар салаларының 500-ден астам мемлекеттік орган, квазимемлекеттік ұйым мен компаниялардың басшылары қатысты.

Қазақстандық делегацияны бастаған Сыртқы істер министрі Мұхтар Тілеуберді форумның ашылуында алғы сөз сөйледі.

Британдық тараптан сөз сөйлеген Ұлыбритания Премьер-министрінің Қазақстан бойынша Сауда өкілі Баронесса Эмма Николсон екі мемлекеттің жаңартылатын энергия көздері, тау-кен-металлургиялық кешені, агро-өнеркәсіптік кешен және денсаулық сақтау салаларында бірлескен жобаларды іске асыруда үлкен мүмкіндіктері бар екенін атап өтті.

«Бізді «бұрынғыдан да жақсы жасау» деген ортақ қызығушылық біріктіреді. Қазақстанда инвесторлар үшін осы мақсатқа жетуге көмектесетін көптеген мүмкіндіктер бар, ал Ұлыбританияда оларды Қазақстанға тартуға көмектесетін көптеген тәсілдер бар», - деп толықтырды Э.Николсон.

Форум барысында қатысушылар коронавирустан кейінгі кезеңде экономиканы дамыту, Қазақстанда бизнес пен инвестицияларды жүргізу және мемлекеттік активтерді жекешелендіру мәселелерінің кең ауқымын талқылады. Сонымен қатар, мамандандырылған параллельдік сессияларда қаржылық қызметтерді дамыту, майнинг, цифрландыру және Қазақстанның технологиялық секторы тақырыптары қозғалды.

Іс-шара аясында ҚР Сыртқы істер министрінің орынбасары Алмас Айдаровтың энергетика, инфрақұрылым және құрылыс, ТКМК және машина жасау салаларындағы ірі британдық компаниялардың басшылығымен екіжақты кездесулері өтті.

Осылайша, ол Independent Power Corporation компаниясымен «Каспий цифрлық хаб» инвестициялық жобасын іске асыруға қатысу мәселелерін талқылады.

ERG International Group компаниясы Маңғыстау облысындағы инфрақұрылымдық жобаларды жүзеге асыруға мүдделі. Атап айтқанда, қуаты тәулігіне 50 мың текше метр ауыз су тұщыландыру зауытын салу жөніндегі жобаны іске асыру жоспарланып отыр.

Ferro-Alloy Resources-пен келіссөздер аясында Қызылорда облысындағы Бала-Сауысқандық ірі ванадийлі кен орнын игеру жобасы қаралды.

Британдық «Weir Group» компаниясымен Алматы қаласының индустриялық аймағының аумағында «Тау-кен, машина жасау, мұнай-газ және өнеркәсіптің басқа да салаларына арналған жабдықтар өндірісін оқшаулау» инвестициялық жобасы талқыланды.

Бүгінгі күні Ұлыбритания Қазақстанның негізгі сауда-инвестициялық серіктестерінің бестігіне кіреді. Британдық инвестициялардың отандық экономикаға жалпы ағынының көлемі 2005 жылдан бастап 2020 жылдың 1 жарты жылдығы аралығында 14,1 млрд. АҚШ долл. құрады. Жалпы, Қазақстанда «Royal Dutch Shell», «Ernst&Young», «BG», «Shell», «BAE Systems» және басқа да кәсіпорындарды қоса алғанда, британдық капиталдың қатысуымен 500-ден астам компания жұмыс істейді.

Соңғы жаңалықтар

Жоғарғы сот судьялары сайланды

Қазақстан • Бүгін, 10:35

218 адамның ахуалы нашар

Медицина • Бүгін, 09:45

Абайды сомдаған актерлер

Өнер • Бүгін, 08:30

Отанға адал болуға ант берді

Руханият • Бүгін, 08:27

Экскурсия сабағына қатысты

Қоғам • Бүгін, 08:00

Ұлылар үндестігі

Оқиға • Бүгін, 07:56

«Киік» акциясы басталды

Экология • Бүгін, 07:52

Мақсат – ауруды ауыздықтау

Аймақтар • Бүгін, 07:48

Медициналық жабдықтар жаңарды

Аймақтар • Бүгін, 07:47

Белсенділігі артып келеді

Саясат • Бүгін, 07:46

Ұқсас жаңалықтар