Павлодарда жаяу жүргіншілер жолында екі жасөспірімді қағып кетті

"26 қазанда сағат 18.35-те Volkswagen Passat автокөлігінің 36 жастағы жүргізушісі Павлодар қаласында Павлов көшесіндегі 67-үйге қарама-қарсы реттелмеген жаяу жүргіншілер өткелі бойынша жүріс бөлігін кесіп өткен екі жаяу жүргіншіні қағып кетті. Жол-көлік оқиғасы салдарынан кәмелетке толмаған жасөспірімдер жарақат алып, ауруханаға жеткізілді", деп хабарлады баспасөз қызметі.

Сондай-ақ полиция өкілдері көліктің айыппұл тұрағына жіберілгенін және тексеру жүргізіліп жатқанын айтты.