Қазақстан Республикасы Үкіметінің қаулысы

2009 жылғы 31 желтоқсан          № 2345              Астана, Үкімет үйі Қазақстан Республикасы Табиғи монополияларды реттеу агенттігінің 2010 – 2014 жылдарға арналған стратегиялық жоспары туралы “Қазақстан Республикасындағы мемлекет­тік жоспарлау жүйесі туралы” Қазақстан Рес­пуб­ликасы Президентінің 2009 жылғы 18 маусымдағы №827 Жарлығына сәйкес Қазақ­стан Республикасының Үкіметі қаулы етеді: 1. Қоса беріліп отырған Қазақстан Республикасы Табиғи монополияларды реттеу агенттігінің 2010 – 2014 жылдарға арналған стратегиялық жоспары бекітілсін. Осы қаулы 2010 жылғы 1 қаңтардан бастап қолданысқа енгізіледі және ресми жариялануға тиіс.Қазақстан Республикасының Премьер-Министрі К.МӘСІМОВ. (Қазақстан Республикасы Үкіметінің 2009 жыл­ғы 31 желтоқсандағы №2345 қаулысымен бекітілген Қа­зақ­стан Республикасы Табиғи монополияларды реттеу агент­тігінің 2010 – 2014 жылдарға арналған стра­те­гиялық жоспарының толық мәтіні “Егемен Қазақ­стан­ның” www.egemen.kz веб-сайтында 2010 жылғы 16 сәуірде “Ресми бөлім” айдарында жарияланып отыр). Қазақстан Республикасы Үкіметінің қаулысы 2010 жылғы 14 сәуір              №307                Астана, Үкімет үйі Қазақстан Республикасы Үкіметінің 2000 жылғы 28 қаңтардағы № 136 қаулысына өзгеріс енгізу туралы Қазақстан Республикасы Үкіметі қаулы етеді: 1.   “Шетелдіктердің Қазақстан Республикасында болуын құқықтық реттеудің жекелеген мәселелері” туралы Қазақстан Республикасы Үкіметінің 2000 жылғы 28 қаңтардағы №136 қаулысына (Қазақстан Республикасының ПҮАЖ-ы, 2000 ж., №4, 55-құжат) мынадай өзгеріс енгізілсін: көрсетілген қаулымен бекітілген Шетелдіктердің Қазақстан Республикасына келуінің және болуының, сондай-ақ олардың Қазақстан Республикасынан кетуінің тәртібінде: 15-тармақтың екінші абзацындағы “тоқсан тәуліктен аспайтын мерзімге жүргізіледі және кейіннен дәл осындай мерзімге ұзартылуы мүмкін” деген сөздер “отыз тәуліктен ал Кеден одағы елдерінің азамттары үшін тоқсан тәуліктен аспайтын мерзімге жүргізіледі және кейіннен дәл осындай мерзімдерге ұзартылуы мүмкін” деген сөздермен ауыстырылсын. 2. Қазақстан Республикасы Сыртқы істер министрлігі белгіленген тәртіппен дипломатиялық арналар арқылы шетел мемлекеттерінің құзыретті органдарын қабылданған шаралар туралы хабардар етсін. Осы қаулы алғаш рет ресми жарияланған күнінен бастап төрт күнтізбелік күн өткеннен кейін қолданысқа енгізіледі. Қазақстан Республикасының Премьер-Министрі К.МӘСІМОВ.