Қазір институттың арсеналында 3 ғылыми жаңалық бар: "Төменгі температуралы жарықшақтану кезінде асфальтбетонды жол төсемінің өзін-өзі құру заңдылығы" және "Асфальтбетон жамылғысының сатылық тозып бұзылу заңдылығы (Телтаев қағидасы) және былтыр жарияланған "Наноқұрылымды битумның пайда болу құбылысы"
Соңғы 5 жылда ҚазжолҒЗИ қызметкерлері халықаралық ғылыми журналдарда 136 мақала мен монография жариялаған. 84 жұмыс Scopus мәліметтер базасында болса, 52-сі Web of Science халықаралық базасында сақтаулы. Бүгінгі күнге дейін аталмыш мақалалар дәйеккөз ретінде 679 рет пайдаланылыпты.
Ғылыми зерттеу жұмыстарын ҚазжолҒЗИ практикалық іске асырып, патенттеген. Осылайша 2015 жылдан бастап институт 16 өнертабыс патентін алыпты. Оның 4 – халықаралық.
