Алматы облыстық ІІД баспасөз қызметінің хабарлауынша Талдықорған қалалық полициясына 24 қараша күні кешқұрым жеті жасар қыз Алуа Жүнісханованың жоғалып кеткендігі туралы анасынан хабарлама түскен. Үш тәуліктен бері бүлдіршінді өңір полицейлерінен тыс Талдықорған батальонының әскері, ҚР ІІМ ішкі әскері, Төтенше жағдайлар департаментінің қызметкерлері және тұрғылықты халық іздестіруде.
Алматы облыстық ІІД баспасөз қызметінің хабарлауынша Талдықорған қалалық полициясына 24 қараша күні кешқұрым жеті жасар қыз Алуа Жүнісханованың жоғалып кеткендігі туралы анасынан хабарлама түскен. Үш тәуліктен бері бүлдіршінді өңір полицейлерінен тыс Талдықорған батальонының әскері, ҚР ІІМ ішкі әскері, Төтенше жағдайлар департаментінің қызметкерлері және тұрғылықты халық іздестіруде.
Полиция анықтамасына сүйенсек, сол күні баланың ата-анасы қызды туысының қарауына қалдырып, өздері қонақта болған екен. Арнаулы құрылған топтар іздестіру жұмысын саяжайлар массивтерінде, бос қалған құрылыс нысандарында, Қаратал, Балықты өзендерінің жағалауларында, орманды алқаптарда, қала маңында орналасқан шаруа қожалықтарына тиесілі жерлер мен қыстақтарында жүргізуде. Талдықорған қалалық ІІБ бастығының орынбасары полиция подполковнигі Батырхан Имандосов жүргізіп жатқан іздестіру шарасынан әзірге қуанарлық хабар болмай тұр.
Нұрбол ӘЛДІБАЕВ,
«Егемен Қазақстан».
ТАЛДЫҚОРҒАН.
