Аймақтар • 14 Қараша, 2020

Түлкібасқа 8 млрд теңгеге жуық инвестиция тартылған

396 рет
көрсетілді
2 мин
оқу үшін

Түркістан облысы Түлкібас ауданына тартылған инвестициялар көлемі 7 млрд 743 млн теңгені құраған. Соның​ ішінде 2 млрд 584 млн теңге республикалық бюджет, 1 млрд 520 млн теңге жергілікті бюджет, ал 3 млрд 618 млн теңге кәсіпорындардан және халықтың​ өз​ қаржысы​ есебінен тартылған, деп хабарлайды Egemen.kz

Түлкібасқа 8 млрд теңгеге жуық инвестиция тартылған

Өңірлік коммуникациялар қызметінде өткен брифингте аудан әкімі Нұрлан Байғұт бүгінде жұмыс істеп жатқан 32​ кәсіпорын​ 10 млрд 321 млн теңгенің​ өнімі​н өндіргенін атап өтті. Әлеуметтік​ жұмыс орындарын ұйымдастыру​ бойынша аудан көлеміндегі 16 жұмыс беруші мекемелерімен келісім-шарт түзіліп, 154 азамат жолданған.

"Биыл ауданда жалпы 54 көше толығымен жөндеуден өтіп, ел игілігіне пайдалануға беріліп отыр. Соның ішінде Састөбе және Түлкібас кентіндегі 30 көше "Ауыл-Ел бесігі" бағдарламасы аясында жөнделген. Ішкі көшелердің қанағаттандырарлық жағдайы 80 пайыздан асып отыр. Сондай-ақ, түнгі жарықтандыруды бірінші кезекте қажет ететін 15-ке жуық көшеге заманауи жарық шамдар орнатылды. "Қамқорлық" жобасына қатысушы 93 отбасына 215 млн теңгеден астам қаржыға түрлі көмек көрсетілді. Аудан әкімдігінің ұйытқы болуымен 21 отбасы баспанаға қол жеткізген. Соның ішінде 6 отбасына демеушілер есебінен тұрғын үй берілсе, 15 отбасына мемлекеттік бағдарламамен пәтер кілті табысталды. Сондай-ақ, 9 отбасының тұрғын үйі демеушілер есебінен жөндеуден өтті", деді Нұрлан Мархабатұлы.

Ауданда мал шаруашылығында биыл 10-15 басқа арналған 76 шағын мал бордақылау алаңдары, 5-10 бастық 24 отбасылық сүт фермасы құрылған. Сонымен қатар, Келтемашат ауылдық округінде "Ақбиік Агро"​ АӨК сыйымдылығы​ 600 бас түйетауық өсіретін ферма ашылып, жұмыс істеуде. Алма бағы шаруашылығын дамытудың 2021-2025 жылдарға арналған даму концепциясына сәйкес, қосымша алма бау көлемін 760 гектарға​ ұлғайтып, барлығы 3355 гектар аумаққа​ жеткен. Ағымдағы жылы 30 300 тонна жеміс-жидек жиналды. Ауданда 33 туристік нысан жұмыс істейді. Жыл басынан бері 2017 турист келген.