Саясат • 25 Қараша, 2020

Партияның сайлауалды бағдарламасы сараланды

385 рет
көрсетілді
3 мин
оқу үшін

Nur Otan партиясы Мәжіліс сайлауына арналған сайлауалды бағдарламасын сарапшылар, белгілі саясаттанушылар, қоғам белсенділері мен экономистер назарына ұсынды.

Партияның сайлауалды бағдарламасы сараланды

Партияның сайлауалды бағ­дар­ламасын талқылауға Қазақ­стан стра­тегиялық зерттеулер инс­ти­ту­­ты­ның директоры Зарема Шәу­кенова, Экономикалық зерт­теу­лер инс­титутының төр­аға­сы Рус­лан Сұл­танов, саясат­тану­шы­лар Ай­д­ос Сарым, Мак­сим Каз­начеев, Ис­лам Кураев және Ра­сул Жұмалы, Еура­зия­лық инте­гра­ция инс­титуты­ның дирек­торы Ерлан Саиров, «Талап» қолданбалы зерттеу­лер орта­лы­ғының басшысы Рахым Ошақ­баев, сарапшылар Яра­ли Халилов, Нұрлан Махмудов, Бел­ла Газдиева, Ләззат Нұрқатова қатысты.

Кездесуде сөз алған Nur Otan партиясының хатшысы Ар­ман Қырықбаев Елбасы, Пар­тия Лидері Нұрсұлтан Назар­баев­тың тапсырмасымен жұ­мыс тобы Үкіметпен бір­лесе бұрын­ғы тәжірибе мен әлем­дік трендті ескере отырып, қ­оғам сұранысына жауап бере­тін бағ­дарламаны екі ай бойы пысықта­ғанын жеткізді.

Еліміз бойынша 70-ке жуық фокус-топтан тұратын зерттеу жүр­гізіліп, халықтың көңіл күйі мен мемлекеттік органдар, саяси партиялардан не күтетіні зерделенген.

Бастапқыда бағдарлама жобасы салалық сипатқа ие болса, пысықталғаннан кейін бесжыл­дық құжатта халықтың барлық тобының сұранысы барынша қамтылған.

Nur Otan партиясының бағ­дар­­ламасы Президент Қасым-Жомарт Тоқаевтың сайлауалды тұғырнамасы мен халыққа Жол­дауында көрсетілген міндет­терге негізделген. Аталған құжаттар­дағы идеялар партияның сайлау­алды бағдарламасының нақты индикаторларында, шаралары мен міндеттерінде анық көрінеді.

Сарапшылар Nur Otan пар­­тия­сының бағдарламасы пан­демия салдарынан туын­даған күр­делі экономикалық ахуал­­ға қара­мастан, жоғары көрсет­кіш­тер­ді көздейтінін атап өтті. Олар сондай-ақ жақында өт­кен пар­тияішілік праймеризге қатысты да пікірлерін білдірді.

Сарапшы Белла Газдиеваның айтуынша, праймериздің арқа­сын­да азаматтардың өзекті ұсы­ныс­тары мен өтініштері жиналып, бағдарлама жобасына енген. Өз кезегінде саясаттанушы Максим Казначеев партия алдағы сайлау науқанының күн тәртібін айқындап алғанын атап өтті.

«Сайлауалды бағдарлама пар­тия­ның дағдарыс кезінде жедел шешімдер қабылдай оты­рып, заман ырғағына сай әре­кет е­те­тінін көрсетеді. Өткен праймериз пар­тияның жүйелі жаңаруға да­йын екенін дәлелдеді. Пар­тия­­іші­лік іріктеу барысын­да бел­­сенді тұлғаларды анық­тау­­ға мүм­кін­дік туды. Партия қата­ры жаңа мү­ше­лермен, оның ішінде өз саласының таны­мал тұлға­ларымен толықты. Өңір­лердегі пікірталастарда бағдар­ла­ма­лардың қызу талқылануы қоры­тынды құжатта нақты проб­ле­малардың ескерілетінін білді­реді», деді Максим Казначеев.

Кездесу соңында қатысу­шылар бірқатар ұсыныстарын ортаға салды. Ар­ман Қырықбаев барлық ұсыныс­тардың қаралып, ескерілетінін жеткізді.

Осыған дейін партия көш­басшысы Нұрсұлтан Назарбаев­тың тапсырмасымен Nur Otan әр өңір, қала мен аудан бойынша 216 сайлауалды бағдарламасының жобасын әзірлеген-ді. Жобалар өңірлердегі, оның ішінде шалғай елді мекендердегі халықпен кездесулерден түйген мәселелер картасы негізінде әзірленген.

Президент Қасым-Жомарт Тоқаев­тың «Халық үніне құлақ аса­­тын мемлекет» тұжырым­да­ма­­сын іске асыру аясында бағ­дар­­ламалардың барлық жо­ба­ла­ры праймериз барысын­да тұр­ғын­дармен кеңінен талқы­ланып, қа­был­данған өңірлік бағдар­лама­лар­да азаматтардан түскен 17 мың ұсыныс пен ескертулердің 80%-дан астамы назарға іліккен.

 

Соңғы жаңалықтар

Су үнемдейтін қондырғы

Технология • Кеше