Қоғам • 25 Қараша, 2020

Суға жүзуден чемпионат басталды

6 рет көрсетілді

Ақтөбеде «Достық» су спорты түрлері бойынша облыстық балалар мен жасөспірімдер спорт мектебінде жүзу спортынан ел чемпионаты басталды.

Оған Нұр-Сұлтан, Алматы, Шымкент қалалары мен Түр­кістан облысынан 16 құрама ко­мандаға біріктірілген 13-25 жас аралығындағы 123 спортшы қатысуда. Алайда пан­де­мияға бай­ланысты спорт­шылардың көптеп қатысуына шектеу қо­йылған. Бұл жолы әр команда 14 жүзгіштен ғана жасақталған.

Жарыстың алғашқы күні қыз балалар арасындағы сайыс­тан басталды. 50 м,100 м, 200 м қа­шықтықта баттерфля­й сти­лін­дегі жүзуден бірінші орынды – София Абубакирова, екінші орынды – Диана Назарова, үшінші орынды – Диана Тас­жанова иеленді. Алғашқы күні 100 метр қашықтыққа жүзуден Нұр-Сұлтан қаласы мен Ақтөбе құрама командасы үздік шықты. Қыздар арасындағы сайыс аяқ­талғаннан кейін жүзуден ер балалар арасындағы жарыс басталады.

Жүзу спортынан өтіп жатқан осы сайыс қорытындысы бойынша 2021 жылы өтетін ХХХІІ жазғы Олимпия ойындарына қа­ты­сатын қазақстандық спортшылар алдын ала іріктелетін болады. Сайыс осы аптаның соңына дейін жалғасады.

 

АҚТӨБЕ

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар