Аймақтар • 25 Қараша, 2020

Ауылда амбулатория ашылды

140 рет көрсетілді

Темір ауданындағы бір аудандық аурухана, 5 дәрігерлік амбулатория, 2 фельдшерлік-акушерлік және 16 медициналық пункт болса, енді солардың қатары тағы бір емдеу мекемесімен толықты, деп хабарлайды Egemen.kz

Аудан орталығынан 50 шақырым жерде орналасқан, Алтықарасу ауылдық округіне қарасты Еңбекші елді мекеніндегі  2004 жылы жабылып қалған жабылып қалған медициналық амбулаторияны қайта ашуға ауыл тұрғындары былтыр  өтініш білдірген еді.  Адам санының аздығынан емдеу мекемесі жабылған соң  ғимараты да күтімсіздіктен азып-тозып бара жатты.  

Биыл жазда осы жерде күрделі жөндеу жұмыстары жүргізілді. Құрылыс жұмыстарына "Жұмыспен қамтудың жол картасы-2020" мемлекеттік бағдарламасы бойынша ауылдың жұмыссыз тұрғындары тартылды. Барлық жөндеу  шығыны – 61 миллион теңгеге аяқталған амбулаторияға заманауи медициналық жабдықтар да әкелінді. Енді бұл жерде 3  фельдшер-акушер мен медбике күніне 20 адамға дейін медициналық көмек көрсетпекші.

"Дәрігерлік көмек алу үшін Еңбекші ауылының тұрғындары Алтықарасуға, не аудан орталығы Шұбарқұдыққа қатынайтын. Егде жастағы адамдар мен жүкті келіншектерге дәрігерлік тексерістен өтуге қайта-қайта 6-70 шақырым жерлегі аудан орталығына қатынау қиынға түсті. Өтінішіміз қабыл болып,  ауылымызда ақ халаттыларымыздың болуы біздер үшін көп көмек", дейді ауыл тұрғыны Сайын Боранқұлов. Еңбекші ауылының тұрғындары амбулаторияның ашылу салтанатында құрылыс жұмыстарын жүргізген "Тана-Пракс" ЖШС басшысы Жұматай Бексұлтановқа ризашылықтарын білдірді.

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар