Аймақтар • 26 Қараша, 2020

«Шығармашылық әңгіме» (Театр тарландарына арналған композиция ашылды)

295 рет
көрсетілді
1 мин
оқу үшін

Махамбет атындағы академиялық Қазақ драма театрының алдына өнер тарландары Сәбира Майқанова, Нұрмұхан Жантөрин, Хадиша Бөкеева мен Асанәлі Әшімовке арналған композиция қойылған еді. Композиция «Шығармашылық әңгіме» деп аталады. Жақында қоладан құйылған өнер туындысының ашылу салтанаты өтті.

Салтанатты шараға театр және кино актері, КСРО халық әртісі, Қазақстанның Еңбек Ері Асанәлі Әшімов және өзге де зиялы қауым өкілдері қатысты.

– Бұл – сәулет өнерінің үлгісі ғана емес, мәдениет пен өнерге, оның өкілдеріне, аға ұрпаққа көрсетілген құрмет. Кез келген ел үшін руханияттың орны бөлек. Өскелең ұрпақты өнер иелерін құрметтеуге үндейтін туынды, – деді облыс әкімінің орынбасары Бақытгүл Хаменова.

Театр директоры Берік Жә­меновтің пікіріне сүйенсек, қазақ өнерінің бастауында тұрған халық әртістерінің есімі ел жадында сақталуы тиіс. Сол себептен театр алдындағы алаңға осындай композицияны орнату туралы идея туындапты. Ком­позицияны алматылық мү­сінші Гүлфия Мелдеш жасады.

 

Атырау облысы