Ал қазір бүкіл әлемде індет қайта қарқын алып, екінші толқынының қаупі төніп тұрғанда дүниежүзілік қауымдастық Қытайдың тыныс-тіршілігіне назар аударары сөзсіз. Осы орайда біз Белорусь зерттеу орталығының директоры, Екінші Бейжің мемлекеттік шетел тілдері университетінің мәдени байланыс зерттеу институты директорының орынбасары Чжан Хуэйцинь ханымды сөзге тартқан едік. Ол өз елінде COVID-19 індетімен екінші толқынына қарсы қандай іс-шаралар жүріп жатқанынан біршама хабардар етті.
Чжан Хуэйцинь індеттің алғашқы толқыны туралы сөз қозғағанда өзі тұратын Бейжің қаласының муниципалдық басқармасының жоғары деңгейдегі қызметін ерекше атап өті. Қытай астанасы төтенше жағдайды бір ай көлемінде тоқтатқан. Қаптаған қалың елі бола тұра індет жұқтырудың жаңа салдарлары 6 шілдеде пайда бола бастаған. Ал 20 шілдеде қатер деңгейі қайтадан 2-ден 3-деңгейге дейін төмендеді. Содан кейін барып 20 млн тұрғыны бар қаланың тұрмыс-тіршілігі бір қалыпқа келген.
«Халық дүрбелеңге бой алдырмас үшін қала әкімшілігі ақпараттың ашықтығына баса мән берді. Билік БАҚ-пен тығыз байланыста болды. 24 қаңтар мен 23 шілде аралығында Бейжіңде 160 баспасөз конференциясы өтті. Тұрғындар астананың хал-ахуалынан хабардар. Сонымен қатар ақпараттар әлеуметтік желілер арқылы тарады. Бүгінде бұл билік пен қоғам арасындағы қарым-қатынастағы басты ақпарат көпірі тәріздес. Баспасөз конференцияларында науқастардың ауру жұқтырып алу үдерісі, тұрғындарды қауіптен сақтандыру үшін індеттің алдын алу бағытында қабылданған іс-шаралар мен оның жай-жапсары егжей-тегжейлі баяндалып отырды. Ал аурудың екінші рет пайда болу кезеңінде Бейжіңде шектеулер қайтадан күшейді: метро, тұрғын үй кешендерінің кіреберісінде дене қызуы тексерілді, бастауыш және орта мектеп оқушыларының оқулары тоқтатылды, кейбір қоғамдық орындар жабылды. Алайда астана халқы ешқандай дүрбелеңге салынбады. Олар үкіметтің ұсыныстарына құлақ түрді: тығыз байланыс жасау кезінде кем дегенде арақашықтық бір метр және адамдар шоғырланған жерлерде бәрі қайтадан бетперде тақты, тіпті үйден жиі шықпауға тырысты. Адамдар топтасып, жақын таныстар, достар бірге түстенуді доғарды, сауық кештерді тоқтатты», дейді Чжан Хуэйцинь.
Оның айтуынша, індетті ірі қалада тежеу үшін Бейжің тәжірбиесі үлгі бола алады. Біріншіден, Бейжіңде аурудың екінші рет таралуына муниципалдық басқарманың қаншалықты дайын екенін айқындады. Билік әрдайым індеттің жаңадан таралуына ең жоғары деңгейдегі дайындық сатысында болды, ешбір жағдайда босаңсымады.
Екіншіден, індетті тежеуде қабылданған алдын алу шаралары мен тетіктер ғылыми зерттеулер нәтижесіне негізделді. Аурудың қайталанғаны туралы ақпарат пайда болысымен, көпшілік ТЖ деңгейі қаланың барлық аумағында орнайды деген ойда болды. Алайда билік бұл жолы асықпады әрі басқа жолдарды қарастырды. Шұғыл эпидемиялық тексеріс 22 сағат ішінде нақты жұқтыру орындарды анықтау мүмкіндігін туғызды. Әсіресе көптеген мәлімет көмегімен жұқтыру ықтималды жағдайлар анықталды. Нәтижесінде, тиісті әрекет ету шаралары қаңтар айындағы жағдай тәрізді жаппай қала бойынша емес, тек жұқтыру жағдайлары анықталған аудандарға ғана қолданылды.
Үшіншіден, кең ауқымды тестілеу жүргізілді. 3 шілдеге дейін он млн-нан аса тұрғын нуклеин қышқылдары амплификация тестісінен ақысыз тегін өтті. Бұл жұқтырған науқастарды жылдам анықтаумен қатар, төтенше жағдайда дүрбелеңге салынбауына көптеп көмегін тигізді.
Төртіншіден, жедел телефон желісі мекеме басшылары мен қала тұрғындарын жақындатты. Адамдар індетке байланысты кез келген мәселелері мен қиындықтары, қандай да бір тұрмыстық жағдайлар бойынша да қоңырау шалды. Тек қана 15-21 маусым аралығында 70 400 қоңырау, ал 22-28 маусым аралығында қоңырау саны 101 161 есеге өсті. Барлық сұраққа жауап берілді, бұл астана өмірінің тұрақталуын қамтамасыз етті.
Індетті тежеуде қабылданған алдын алу шаралары мен тетіктер Бейжіңде өз нәтижесін берді. Дәл қазір қала өмірі арнасына түсті. Үкімет экономиканы қалыпқа келтіру үшін маңызды іс-шаралар қабылдады. Бұл қала індеттің жаңадан таралуын жеңді, әрі COVID-19 күресуде салмақты тәжірибе жинақтады.
АЛМАТЫ
