Аймақтар • 27 Қараша, 2020

Онлайн отырған оқушылар індетті қайдан жұқтырып жатыр?

389 рет
көрсетілді
2 мин
оқу үшін

Алматыда эпидемиялық жағдайдың нашарлауы байқалады. Бұл туралы бүгін Алматы қалалық Тауарлар мен қызметтердің сапасы мен қауіпсіздігін бақылау департаментінің басшысы – Алматы қаласының мемлекеттік Бас санитар дәрігері Жандарбек Бекшин БАҚ өкілдері зарыға күткен онлайн-брифингте төмендегідей мәліметтермен бөлісті.

Онлайн отырған оқушылар індетті қайдан жұқтырып жатыр?

Алматыда КВИ қазан айында қайта бас көтерді. Бұл айда 366  КВИ оқиғасы тіркеліп, қыркүйек айымен салыстырғанда 2,2 есе жоғары (165 КВИ жағдайы) болды.

Биылғы жылдың 26 ​​қарашасындағы жағдай ға сәйкес, 1122 КВИ жағдайы тіркелгені белгілі болып отыр. Қыркүйекпен салыстырғанда індет 7 есеге өсті. Әрбір КВИ эпидемиялық тергеуінде КВИ жиі тарайтын орындар анықталды:

Қоғамдық орындар (түнгі клубтар, тамақтану орындары, сауда және ойын-сауық орталықтары, сауда үйлері мен базарлар) – 33,7%, үйде жұқтырғандар – 28,7%, қалалық көлік – 18,5%, жұмыс орнында жұқтырғандар – 13,1%, шет елдерден індет алып келгендер – 3,5%, 2,1% жағдайы анықталмаған.

КВИ-мен ауыратын науқастардың жас топтары арасында белсенді жас 20-39 жас аралығындағылар, бұл жоғарыда аталған мекемелерге баратын жастар, демек жұмысқа барар жолда,  қоғамдық орындарда болғанда инфекцияны жұқтырып үйге алып келгендер:

КВИ жасы бойынша

01.10.2020-26.11.2020

 

барлығы

%

14 жасқа дейін

125

8,4

15-19 жас

59

4

20-29 жас

187

12,6

30-39 жас

316

21,2

40-50 жас 

277

18,6

51-59 жас

175

11,8

60-69 жас

212

14,2

70 жастан жоғары

137

9,2

барлығы:

1488

 

Алматыда қыркүйек айынан бері 115 оқушы коронавирус жұқтырған. Оның 109 онлайн режимінде оқып жатқан баладан анықталды. Онлайн режиміндегі оқушылар арасында және отбасы мүшелерінің арасында індеттің жұқтырудың өсуіне ең алдымен, түнгі клубтардың тұрақты клиенттері себепші болып отыр.

– Қаладағы эпидемиялық жағдайдың тұрақсыздығына байланысты біз тұрғындарды профилактикалық шараларды қатаң сақтауға шақырамыз. Өзге адамдардан қашықтықта болыңыз, маска киіңіз! Мектеп жасындағы дәстүрлі түрде оқып жатқан балалар арасында КВИ жұқтырудың өсуі байқалып отыр.  Бұған бірден-бір себепші болып отырған балалардың сабақтан тыс уақытта компьютерлік клуб немесе басқа да жабық жерлерде жиі болуы. Сонымен қатар отбасы мүшелерінің де індет алып келуі жоққа шығарылмайды. Яғни, клубтар, ресторандар және тағы да басқа адамдар көп жиналатын жиындардан алып келетіндігі анықталып жатыр, – дейді Алматы қаласының мемлекеттік Бас санитар дәрігері.

 

 

 

АЛМАТЫ