Спорт • 30 Қараша, 2020

Айдос Ербосынұлы Исса Самирмен күш сынасады

89 рет көрсетілді

Екінші орта салмақта жұдырықтасып жүрген қазақстандық кәсіпқой боксшы Айдос Ербосынұлы 16 желтоқсанда Нұр-Сұлтанда өтетін бокс кешінде Гананың өкілі Исса Самирмен күш сынасады, деп хабарлайды Egemen.kz.

Кәсіпқой рингте 13 кездесу өткізіп үлгерген 29 жастағы қандасымыз барлығында жеңіске жетіп, тоғыз бәсекені мерзімінен бұрын аяқтады. Соңғы рет Айдос Ербосынұлы биыл жазда Минскіде Германияның туы астында өнер көрсетіп жүрген нигериялық боксшы Нуху Навальды ұпай санымен ұтты. Қазіргі кезде ол WBC Asia, WBA International және WBO Global нұсқалары бойынша алтын белбеулерді иеленуде.

Айдосқа қарсылас атанған жігіттің жасы 31-де. Исса Самир кезінде әуесқойлар арасында да өзін жақсы қырынан көрсетіп, Бүкілафрика ойындарында күміс медальді мойнына ілді. 2011 жылдан бері ол кәсіпқой рингте күш сынасуда. Сол аралықта 19 рет шаршы алаңға көтеріліп, барлық бәсекелестерінен басым түсті. 16 жекпе-жекті Исса нокаутпен аяқтады. 

Сондай-ақ айтулы жарыста Бекзат Нұрдәулетовте өнер көрсетеді. Кәсіпқой рингке екінші рет шыққалы отырған әлем чемпионы 40 жастағы нигериялық Кабиру Товолавимен жұдырықтасады. Қара құрлықтың өкілі бұған дейін 15 кездесу өткізіп, 13 рет үстемдік танытқан.   

Соңғы жаңалықтар

Пневмониядан 1 адам қайтыс болды

Коронавирус • Бүгін, 11:44

Ұқсас жаңалықтар