Аймақтар • 30 Қараша, 2020

Атырауда 5700 жаяу жүргінші жол ережесін бұзған

57 рет көрсетілді

Атырауда жол қозғалысы ережесін бұзған  5700 жаяу жүргінші жауапкершілікке тартылды, деп хабарлайды Egemen.kz.

Облыстық полиция департаменті баспасөз қызметінің мәліметінше, жаяу жүргіншілердің   жолды кез-келген жерден кесіп өту азаймай отыр. Олар сауда орталықтары мен қиылыстардың тұсынан кесіп өтіп, жол қозғалысы ережелерін бұзады.

«Жаяу жүргіншілер өз әрекетін «дүкенге немесе аялдамаға бару үшін жолды кесіп өткен оңай. Өткел тым алыс, не болмаса оған баруға уақыт жоқ» деп түсіндіреді. Алайда, осындай құқық бұзушылықтың соңы қайғылы жағдаймен аяқталатынын ескермейді. Мәселен, 56 жастағы жүргізуші «Daewoo» көлігімен С.Датов көшесінде орналасқан «Sinoil» жанар-жағармай бекеті тұсында жолдың тыйым салынған бөлігінен өткен адамды қағып кетті. Жаяу жүргінші ауруханада көз жұмды» деп хабарлады департаменттің баспасөз қызметі.

Жыл басынан бері Атырау қаласында  патрульдік полиция қызметкерлері 5715 жаяу жүргіншіні әкімшілік жауапкершілікке тартып, әрқайсысына 8334 теңге көлемінде айыппұл салған. Сондай-ақ, көлік қаққан 25 жаяу жүргіншінің 15-і белгіленбеген жерден өткен.

Соңғы жаңалықтар

Ұқсас жаңалықтар