Мультимедиа • 03 Желтоқсан, 2020

"Мұзбалақ" фильмі екі бірдей кинофестивальде топ жарды

398 рет
көрсетілді
1 мин
оқу үшін

Күні кеше "Мұзбалақ" бірден екі фестивальде – Стокгольмдағы кино және теледидар фестивалінде (Швеция) және "Алтын ара" балалар фильмдерінің халықаралық кинофестивалінде (Үндістан, Нью-Дели) "Үздік анимациялық фильм" аталымында топ жарды, деп хабарлайды Egemen.kz

"Мұзбалақ" фильмі екі бірдей кинофестивальде топ жарды

"Мұзбалақ" анимациялық фильмі 2018 жылы түсірілген. Режиссері – Тұрдыбек Майдан, Тілек Төлеуғазы. Сценарий авторлары – Ербол Бораншы, Тұрдыбек Майдан, Тілек Төлеуғазы, Адай Әбілда.

Ерте заманда қара ниетті Шегірдің кесірінен жер астындағы әбжылан оянып, жер бетіне шығады. Әбжылан қазақ ауылын отқа орап, қарсы келгенді жалмап, ел ішіне үрей туғызады. Сол сәтте балапанына қауіп төнгенін сезген ана бүркіт әбжыланмен айқасып, оны жер астындағы мекеніне қуып тығады.

Ал бүркіт отқа оранған ұядан балапанын алып, алысқа ұшып кетеді. Адам жұтып дәніккен әбжылан күн тұтылғанда алып айдаһарға айналып жер бетіне шығатынын білген ауыл адамдары айдаһарды тек қыран бүркіт қана жеңе алатынын түсініп, іздеуге аттанады.

Мұзбалақты Ақтай мен Шегір іздеп табады. Бірақ тоғышар Шегір мен ақылды, ақ жүрек Ақтай арасында қыранды баптау туралы екі түрлі көзқарас туындайды. Мұзбалақтың жан дүниесін түсініп, тілін тапқан Ақтай Мұзбалаққа еркіндік сыйлап, онымен адал дос болуға серттеседі.

Соңғы жаңалықтар

Су үнемдейтін қондырғы

Технология • Кеше