«Салауатты өмір салтын сақтау үшін барлығын жарысқа қатысуға шақырамын. Қай жерде болмасаңыз да, сіз Қазақстанның кез келген жерінен жүгіре аласыз», - дейді Олимпиада чемпионы Серік Сәпиев.
«Мен акцияны қолдаймын және барлығын онлайн марафонға қатысуға шақырамын», - дейді панкратионнан әлем чемпионы Василий Тахтай.
Айта кету керек, 7-13 желтоқсан аралығында Нұр-Сұлтанда «30 игі іс» акциясын қолдауға арналған «Saryarqa Jugiru» онлайн-жарысы өтіп жатыр. Жарысқа 13 желтоқсанға дейін тіркелуге болады. Ол үшін www.jgr.kz сайтында онлайн тіркелу қажет. Жарысқа жынысына және жасына қарамастан, спортқа қарсы көрсетілімдері жоқ кез-келген адам қатыса алады.
«Saryarqa Jugiru» қашықтығы - 5 шақырым. Іс-шараға қатысушылар оны 7-13 желтоқсан аралығында өте алады. Қатысушылар 5 км маршрутты апта ішінде бірнеше рет кез-келген ыңғайлы уақытта жүгіре алады. Жеңімпазды анықтау үшін спортшының ең жақсы ұпайы қолданылады. Ең бастысы - тіркелу және қатысудың барлық шарттарын орындау.
Ол үшін Strava қосымшасында жүгіру көрсеткішін тіреу керек. Әрі қарай, нәтижелер тексеру процедурасынан соң www.jgr.kz сайтында жарияланады.
«Сонымен қатар қатысудың маңызды шарттарының бірі - Instagram парақшаңызда жарыс туралы хабарлама жариялау және #saryarkamarathonchallenge іс-шара хэштегін, Нұр-Сұлтан жеңіл атлетика федерациясының @nsathleticskz, «Jugiru» платформасының @jgr.kz және Сарыарқа ауданы әкімдігінің @saryarka.akimat профильдерін, белгілеу», - дейді ұйымдастырушылар.
Жеңімпаздар 16 желтоқсанда марапатталады.
Онлайн жарыс бастамасы бұқаралық спортты дамытуға және пандемия кезінде азаматтардың салауатты өмір салтын сақтауға бағытталған. Оған спортқа қарсы көрсетілімдері жоқ кез келген адам қатыса алады.
Еске сала кетейік, елорда әкімдігінің қолдауымен өтіп жатқан спорттық шара ұйымдастырушылары - Қазақстан Республикасының Жеңіл атлетика федерациясы, Нұр-Сұлтан жеңіл атлетика федерациясы.
