Үкімет • 12 Желтоқсан, 2020

Мемлекет басшысы әкiмшiлiк-аумақтық құрылыс туралы заңға қол қойды

77 рет көрсетілді

Мемлекет басшысы әкiмшiлiк-аумақтық құрылыс туралы заңға қол қойды, деп хабарлайды Egemen.kz Ақорданың баспасөз қызметіне сілтеме жасап.

ҚАЗАҚСТАН РЕСПУБЛИКАСЫНЫҢ ЗАҢЫ

«Қазақстан Республикасының әкiмшiлiк-аумақтық құрылысы туралы» Қазақстан Республикасының заңына өзгерістер мен толықтырулар енгізу туралы

1-бап. «Қазақстан Республикасының әкiмшiлiк-аумақ­тық құрылысы туралы» 1993 жылғы 8 жел­тоқсандағы Қазақстан Республикасының заңына (Қазақстан Республикасы Жоғарғы Кеңесінің Жар­шысы, 1993 ж., №23-24, 507-құжат; 1995 ж., №23, 146-құжат; Қазақстан Республикасы Пар­ламентінің Жаршысы, 2004 ж., №10, 56-құжат; №23, 142-құжат; 2006 ж., №18, 111-құжат; 2009 ж., №2-3, 9-құжат; №8, 44-құжат; 2011 ж., №11, 102-құжат; 2013 ж., №2, 11-құжат; №14, 72-құжат; 2016 ж., №6, 45-құжат; 2017 ж., №14, 51-құжат; 2018 ж., №24, 93-құжат) мынадай өзгерістер мен толықтырулар енгізілсін:

1) 2-бапта:

сегізінші бөлік «Шағын аудандар,» деген сөздерден кейін «қаладағы аудандар,» деген сөздермен толықтырылсын;

тоғызыншы бөлік мынадай редакцияда жазылсын:

«Облыстық маңызы бар қаладағы, республикалық маңызы бар қаладағы, астанадағы аудан қаладағы аудан болып табылады. Облыстық маңызы бар қаладағы, республикалық маңызы бар қаладағы, астанадағы аудан олардағы халық саны 400 мың адамнан астам болған кезде құрылады.»;

2) 3-бапта:

3) тармақшадағы «өнеркәсiп орындары» және «, халқының жалпы санының үштен екiсiнен астамын жұмысшылар, қызметшiлер және олардың отбасы мүшелерi құрайтын елдi мекендер» деген сөздер тиісінше «өнеркәсiптік кәсіпорындар» және «елдi мекендер» деген сөздермен ауыстырылсын;

4) тармақшаның бірінші абзацындағы «өнеркәсiп орын­дарының» және «, олар­дың кемiнде үштен екiсiн жұмыс­шылар, қыз­метшiлер және олар­дың отбасы мүшелерi құрай­тын елдi мекендер» деген сөз­дер тиісінше «өнеркәсiптік кәсіп­орындардың» және «елдi мекен­дер» деген сөздермен
ауыс­ты­рылсын;

5) тармақша мынадай редакцияда жазылсын:

«5) ауыл – халқының саны кемінде 50 адам болатын елді мекен;»;

3) 9-бап мынадай мазмұн­дағы 4-1) тармақшамен толық­тырылсын:

«4-1) республикалық, облыс­тық және аудандық маңызы бар қа­лаларды өзге елді мекендер етіп қайта құру жөнінде шешім қабылдайды;»;

4) 10-бап мынадай маз­мұн­дағы 2-1) тармақшамен толық­тырылсын:

«2-1) Қазақстан Респуб­ли­касының Пре­зи­дентіне рес­пуб­ликалық, облыстық және аудан­дық маңызы бар қалаларды өзге елді мекен­дер етіп қайта құру туралы ұсыну енгізеді;»;

5) 11-баптың бірінші бөлігі мынадай маз­мұндағы 3-1) тар­мақ­шамен толық­ты­рылсын:

«3-1) Қазақстан Респуб­ликасының Үкіметіне облыстық және аудандық маңызы бар қала­ларды өзге елді мекендер етіп қайта құру туралы ұсыныстар енгізеді;»;

6) 14-бапта:

тақырып мынадай редакцияда жазылсын:

«14-бап. Аудандық маңызы бар қала, кент, ауыл, ауылдық округ әкімінің өкілет­тік­тері»;

мынадай мазмұндағы бірінші бөлікпен толықтырылсын:

«Аудандық маңызы бар қала әкімі аудандық өкілді және ат­қарушы органдарға аудандық маңызы бар қаланы кент, ауыл санатына жатқызу туралы ұсыныс енгізеді.»;

1) тармақшадағы «кенттер, ауылдар кат­егорияларына» деген сөздер «аудандық маңызы бар қалалар, кенттер, ауылдар санаттарына» деген сөздермен ауыстырылсын.

2-бап. Осы заң алғашқы ресми жария­ланған күнінен кейін күнтізбелік он күн өткен соң қолданысқа енгізіледі.

 

Қазақстан Республикасының Президенті Қ.ТОҚАЕВ

Нұр-Сұлтан, Ақорда, 2020 жылғы 12 желтоқсан

№383-VI ҚРЗ

Соңғы жаңалықтар

Доллар бағамы көтерілді

Экономика • Бүгін, 11:50

Жүрек іздеген адам

Өнер • Бүгін, 09:05

Шешуші матчқа қатыса алмайды

Футбол • Бүгін, 08:55

Ардагерлер ақыл қосты

Аймақтар • Бүгін, 08:52

Ұқсас жаңалықтар