55524 әскери бөліміне жұмыс сапары аясында министр Қарулы Күштерге жаңа үлгідегі қару-жарақ пен әскери техниканың, қосалқы бөлшектердің жеткізілу барысымен танысты. Генерал-лейтенант Н.Ермекбаев бөлім командирлерінің ерекше назарын мереке күндері қырағылық пен жауынгерлік әзірлікті, диверсияға қарсы қауіпсіздікті, құқықтық тәртіп пен әскери тәртіпті сақтауға аударды.
Қорғаныс ведомствосының басшысы жұмылдыру дайындығын жетілдіру, жағдайдың кенеттен өзгеруіне ден қоюға дайындық қажеттігін атап өтті. Бұдан өзге, санитарлық-эпидемиологиялық шараларды сақтау, жеке құрамның сырқаттануының алдын алу, сондай-ақ әскери қызмет қауіпсіздігін қамтамасыз ету жөнінде тапсырмалар берілді.
