Аймақтар • 08 Қаңтар, 2021

Атырауда төрт күнде 616 әкімшілік құқық бұзушылық тіркелді

85 рет көрсетілді

Атырау қалалық полиция басқармасының қызметкерлері 4 күнде 616 әкімшілік құқық бұзушылықты тіркеді, деп хабарлайды Egemen.kz

Оның ішінде көлігіне ксенон, лед шамын таққан 57 жүргізуші, қауіпсіздік белдігін тақпаған – 47, көлік жүргізу  құқығынан айырылған күйінде рульге отырған – 4, айыппұлын төлемеген – 15, мас күйінде көлік жүргізген 11 жүргізуші жауапкершілікке тартылып отыр

«Меrsedes-Benz 320» автокөлігін басқарған 27 жастағы жүргізушінің көлік жүргізу құқығынан айырылғаны анықталды. Оған қатысты ҚР Әкімшілік құқықюұзушылық туралы Кодексінің 612-бабының 3-бөлімімен (жүргізуші құқығынан айырылған күйінде көлік басқарғаны үшін) әкімшілік хаттама толтырылып, сот шешімімен 145 850 тенге көлемінде айыппұл салынды. Ал, «Toyota Land Cruiser» автокөлігін тексеру кезінде 44 жастағы жүргізушісінің алкогольдік ішімдік ішкені белгілі болды. Сот шешімімен мас жүргізуші 15 тәулікке қамауға алынып, 7 жыл мерзімге көлік жүргізу құқығынан айырылды» деп хабарлады департаменттің баспасөз қызметі.

Ал иелері айыппұлын төлемеген 15 автокөлік арнаулы тұраққа қойылды. Оның ішінде Ресей Федерациясында тіркелген 13, Армения Республикасынан әкелінген 2 автокөлік бар. Мәселен «Kiа Optima» автокөлігі жүргізушісінің 830 мың теңгені құрайтын 53 айыппұлын төлемегені анықталып отыр.

Соңғы жаңалықтар

Қаламгерге құрмет

Руханият • Кеше

Ұқсас жаңалықтар