Тарих • 08 Қаңтар, 2021

Халықаралық Түркі академиясы «Түркі әлемі: тарихи-мәдени мұра» атты халықаралық конференция өткізді

187 рет көрсетілді

Елордада «Түркі әлемі: тарихи-мәдени мұра» халықаралық конференциясында Халықаралық Түркі академиясының ұйытқы болуымен «Түркі әлемі: тарихи-мәдени Атлас» жинағының тұсаукесер рәсімі өтті, деп хабарлайды Egemen.kz

Халықаралық Түркі академиясының президенті Дархан Қыдырәлінің айтуынша, атлас Тәуелсіздігіміздің 30 жылдығына орайластырылып шығарылған.

Жинақ Қазақстанның Тұңғыш Президенті Нұрсұлтан Назарбаевтың алғысөзімен шыққан. Сонымен бірге әйгілі саяхатшылар мен жиһанкездер дайындаған көне карталар мен ата-бабаларымыздың мол мұрасын көрсететін маңызды мәліметтермен толықтырылған.

1

«Таяуда ғана Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты мақаласы шыққаны белгілі, сонымен тұстас келуінің де мәні зор деп есептейміз. Себебі мақалада Президент бізге бұл жерді ешкім сыйға тартқан жоқ деп айтты. Бүгінгі атлас − оның жарқын айғағы. Өйткені атласта 200-ден астам карта мен тарихи құжаттар бар және осы географиялық аумақтағы тарихи-мәдени жетістіктерді паш етеді. Жалпы атлас Елбасының алғысөзімен шықты және Елбасының Түркі кеңесі саммитінде берген тапсырмасы негізінде жарық көрді», деді Дархан Қыдырәлі.

1

Бұдан өзге, халықаралық конференцияда ТүркПА ұйымының Бас хатшысы Алтынбек Мамаюсупов оқырманға жол тартқан басылымды жоғары бағалап, Мемлекет басшысы Қ.Тоқаевтың бағдарламалық мақаласындағы орамды ойлардың тарихы ортақ бауырлас елдер үшін маңызды екенін тілге тиек етті.

Ал Түркі кеңесінің Бас хатшысы Халил Акынжы қазіргі Сібір, Моңғолия жерлерінен Қара теңіз бен Жерорта теңізіне дейінгі алып аумақты қоныстаған түркі халықтарының мыңдаған жылдар бойы сақталып келе жатқан бірегей мәдениетіне тоқталды.

«Бүгінде жеті түркі мемлекетінің байрағы асқақ рухпен желбіреп тұр. Енді оларды ешкім құлата алмайды», деді бейнебайланыс арқылы баяндама жасаған Х.Акынжы.

Өз кезегінде Әзербайжанның алғашқы Үкімет басшысы Гасан Гасанов жиын қатысушыларын алғашқы тарихи-мәдени атластың жарық көруімен құттықтап, Халықаралық Түркі академиясына ризашылығын білдірді.

1

Одан бөлек, алқалы жиынға Түркі кеңесі Бас хатшысының орынбасары Өмер Коджаман, Әзербайжан Республикасының Қазақстандағы төтенше және өкілетті елшісі Рашад Маммадов, Түркия Республикасының Қазақстандағы төтенше және өкілетті елшісі Уфук Экиджи, Қырғыз Республикасының Қазақстандағы төтенше және өкілетті елшісі Жээнбек Кулубаев, Франкфурт университетінің профессоры, Ресей ғылым академиясы Сібір бөлімшесінің филология институтының бас ғылыми қызметкері Ирина Невская және өзге де түркітанушы ғалымдар мен сарапшылар, қоғам және мемлекет қайраткерлері қатысты.

Соңғы жаңалықтар

UFC-ге қайта оралмақ

Спорт • Бүгін, 08:49

«Жұлдыз» жарқыраған сәт

Аймақтар • Бүгін, 08:47

Электр күбі жасады

Оқиға • Бүгін, 08:45

Өңірдің даму қарқыны артты

Экономика • Бүгін, 08:40

Мухинаның соңғы сальтосы

Спорт • Бүгін, 08:29

Алтайдың кербез маралы

Руханият • Бүгін, 08:23

«Ұлдардың» ұлағаты

Руханият • Бүгін, 08:21

Қолжазбаны оқитын қосымша

Оқиға • Бүгін, 08:11

Ұлы даладағы ұлы апат

Руханият • Бүгін, 08:07

Екі ауыз сөзді ежіктеп...

Қоғам • Бүгін, 08:03

Ұлықтайтын адамдарды ұмытпайық

Руханият • Бүгін, 07:56

Қайта өңделген алюминийге мұқтаж

Экономика • Бүгін, 07:43

Ескі техникадан құтылудың жолы

Экономика • Бүгін, 07:42

Теңге тербелмей ме?

Қаржы • Бүгін, 07:41

Ел пікірі ескерілді

Пікір • Бүгін, 07:33

Жастарға үміт сыйлады

Пікір • Бүгін, 07:32

Көкейдегіні дөп басқан

Пікір • Бүгін, 07:26

СҚО «қызыл аймаққа» енді

Аймақтар • Кеше

Ұқсас жаңалықтар