Аймақтар • 08 Қаңтар, 2021

Алматыда жол- көлік желісін дамыту жалғасуда

21 рет көрсетілді

Қала әкімі Бақытжан Сағынтаевтың төрағалығымен өткен кеңесте көше-жол желісін дамыту бойынша құрылыс жұмыстарының барысы қаралды, деп хабарлайды Egemen.kz

Алматыда биыл кептеліс жүктемелері көп жол учаскелерінде салынып жатқан үш жолайрықтың құрылысы жалғасатын болады. Олар – Бұқтырма көшесі мен Құлжа трактісінің, Рысқұлов даңғылы мен Емцов көшесінің, Сейфуллин даңғылы мен Жансүгіров көшесінің бойларында салынып жатқан жолайрықтар.

Рысқұлов даңғылы мен Емцов көшесі бойындағы жолайрық кіші жол айналымының құрамына енеді. Мұнда құрылыс-монтаж жұмыстарының 70%-ы аяқталған. Жоспарланғанындай, жолайрық ағымдағы жылы пайдалануға берілсе, онда Рысқұлов даңғылы бойынша көлік өткізу ауқымы 20%-ға, Емцов көшесінде 30% -ға артатын болады. Жолайрығы қаланың солтүстік бөлігіндегі көлік легін жеңілдетеді әрі экологияға оң әсер етіп, ЖКО-ның деңгейін 14%-ға төмендетеді дейді әкімдіктегілер. 

Ағымдағы жылдың соңы мен келесі жылдың басында Бұқтырма көшесі мен Құлжа тракті қиылысындағы жолайрықтың құрылысын аяқтау жоспарлануда. Құлжа тас жолы арқылы өтетін эстакаданың ұзындығы 784 шақырымды құрайды, ал Бұқтырма көшесі бойындағы тоннелдің ұзындығы 570 шақырым.Жақын орналасқан аумақты абаттандыру барысында 750 ағаш отырғызылады. Мұндағы атқарылған жұмыс көлемі 40%-ға жетті. Осы жолайрығын пайдалануға берген кезде Құлжа трактісі бойынша көлік өткізу ауқымы 15%-ға, ал Бұқтырма көшесінде 30%-ға өседі. Жалпы, бұл жолайрығы Түрксіб ауданы мен қала маңындағы елді мекендердегі 350 мыңға жуық тұрғынның мобилділігін арттырады.

Сейфуллин даңғылы мен Жансүгіров көшесі бойындағы жолайрығы Сейфуллин даңғылы бойынша көлік өткізу ауқымын 15-20%-ға, ал Жансүгіров көшесінің бойында 10-15%-ға ұлғайтады. Бұл экологияға оң әсер етіп, осы учаскелерде ЖКО-ының деңгейін 10%-ға төмендетеді. Ағымдағы жылы нысанның туннелдік бөлігінде көлік қозғалысын ашу жоспарланған.

Сонымен қатар, орталық бөлікті қала шекарасымен байланыстыратын негізгі көшелерді үңгілеу жалғасуда. Абай даңғылын қала шекарасына дейін созу жұмыстары екі учаскеде жүруде, Момышұлы даңғылынан Әшімов көшесіне дейін және Әшімов көшесінен қала шекарасына дейін. Бірінші учаскеде орындалған жұмыс көлемі 45%-ға, екіншісінде 85%-ға жетті. Қалған 29 жер учаскесін қайтарып алу жұмыстары аяқталған соң жобаны биылғы жылдың соңына дейін пайдалануға беру жоспарлануда.

Сондай-ақ, жыл соңына дейін Сайын көшесін Рысқұлов даңғылынан Мөңке би көшесіне дейін үңгілеу жұмыстарын аяқтау жоспарлануда. Орындалған жұмыс көлемі 35%-ды құрайды, құрылыс алаңында тұрған 67 учаскені қайтарып алу жұмыстары қолға алынады.

Нұрлы көшесін Сабденов көшесінен Райымбек даңғылына дейін үңгілеу жұмыстарын күзде аяқтау жоспарлануда. Жұмыстың 55%-ы орындалды. Ұзындығы 2 шақырым болатын учаскені созу аяқталса, онда «Алтын Орда» базарына бару едәуір жеңілдейді. Екінші жартыжылдықта Қонаев көшесін (Жандосов көшесінің жалғасы) Яссауи көшесінен ұзындығы 1,2 шақырым болатын Әшімов көшесіне дейін реконструкциялауды аяқтау қарастырылған.

Ең қажет жобалардың бірі – Әуезов көшесін Гоголь көшесінен Райымбек даңғылына дейін созу. Жобалық-сметалық құжаттама жасалды, енді құрылыс-монтаж жұмыстарына қаржы іздестірілуде.

Кеңес жұмысын қорытындылаған Алматы әкімі Б. Сағынтаев нысандарды белгіленген мерзім ішінде пайдалануға беру үшін құрылыс аймағындағы жер учаскелерін уақытылы сатып алудың қажетті шараларын қабылдауды тапсырды. Бұл нысандар іске қосылған кезде қала тұрғындарының мобилділігі артады, мегаполистегі көше-жол қозғалысынның жүктемесі азаяды және қала экологиясына оң әсер ететін болады.

Соңғы жаңалықтар

Құнсыздық құлдың түбіне жетеді

Аймақтар • Бүгін, 14:39

Пневмониядан 2 адам қайтыс болды

Коронавирус • Бүгін, 11:42

Биатлоншылардың бағы жанбады

Спорт • 22 Қаңтар, 2021

Бірнеше облыста жол жабылды

Қазақстан • 22 Қаңтар, 2021

Ақсу қаласына жаңа әкім тағайындалды

Тағайындау • 22 Қаңтар, 2021

Ұқсас жаңалықтар