«КЕГОК» АҚ-ның батыс өңірлік филиалының директоры Константин Чернохаевтың айтуынша, 10 қаңтарда кешкі мезгілде электр желісінің 220 кВЛ-254-Орал-Индер, Л-201-Атырау-Индер және «Karabatan Utility Solutions» ЖШС-нің 2 генераторы уақытша істен шығыпты.
«Соның салдарынан «АтырауЖарық» АҚ-ның электр желісін тұтынып отырған Атырау қаласының сол жағалауы, Жылыой, Индер, Қызылқоға, Махамбет, Құрманғазы және Мақат аудандарының кей бөлігі уақытша электр желісінен ажырап қалды. Қазір аталған электр желілерін қалпына келтіру жұмыстары шұғыл жүргізіліп, біртіндеп іске қосылуда» дейді Константин Чернохаев.
