Спорт • 12 Қаңтар, 2021

Шавқат тек Хабибтен ғана қалып қойды

54 рет көрсетілді

Штаб-пәтері АҚШ-тың ЛасВегас қаласында орналасқан аралас жекпе-жек әлеміндегі ең белді ұйым – UFC (Ultimate Fighting Championship) 2020 жылдың қорытындысын шығарды, деп хабарлайды Egemen.kz

Қазақ жанкүйерлері үшін ең қуанышты жайт өз қандасымыздың үздіктер қатарынан көрінуі. Ондай құрметке Шавқат Рахмонов бөленіп отыр. UFC-дегі өзінің тұсаукесер кездесуін ол былтырғы жылдың қазан айында ғана өткізді. Соған қарамастан майталман мамандар тарапынан 26 жастағы Рахмоновтың өнері бас бармақпен бағаланды. Біріккен Араб әмірліктерінің Әбу Даби қаласында өткен айтулы жарыста Шавқат тәжірибесі әбден толысқан сақа спортшы, бразилиялық Алекс Оливейраны бірінші рауында-ақ қылқындырып тастағаны естеріңізде болар. Міне, өзінің осы асқан шеберлікпен орындалған керемет әдісінің арқасында ол «Ең үздік самбишн» аталымы бойынша екінші орынды иеленді.

Ал бұл тартыста қазақтың қайсар ұлының алдын тек даңқты Хабиб Нұрмагомедов қана орай алды. Дағыстандық жекпе-жек шеберінің америкалық Джастин Гэтжиге қарсы қолданған «үшбұрыш» тәсілі теңдессіз деп танылды.

Соңғы жаңалықтар

Сочиде сайысқа түседі

Спорт • Бүгін, 13:28

Маңызды қадам болды

Парламент • Кеше

Ұқсас жаңалықтар