Аймақтар • 12 Қаңтар, 2021

Лицензиясыз алкоголь сатқан ауыл тұрғыны жауапкершілікке тартылды

21 рет көрсетілді

Павлодар облысының полицейлері алкоголь өнімдерін өткізу жөніндегі Қазақстан Республикасының заңнамасын бұзған ауыл тұрғынын жауапкершілікке тартты, деп хабарлайды Egemen.kz Polisia.kz сайтына сілтеме жасап.

Павлодар облысының полицейлері этил спиртінің көлемдік үлесі 30%-дан асатын алкоголь өнімдерін сағат 21:00-ден келесі күні сағат 12:00-ге дейін сатпау туралы шектеулерді бұзғаны үшін дүкен иесіне қатысты әкімшілік өндіріс қозғады.

«Рейдтік іс-шаралар барысында тәртіп сақшылары Успен ауданы ауылдарының бірінде орналасқан дүкенде өз үйінен «Посольская» арағын сату фактісін анықтады. 75 жастағы зейнеткер 61 жастағы ауыл тұрғынына алкоголь сатқан. Тексеру барысында сатушыда алкогольдік ішімдіктерді сатуға лицензия жоқ екені анықталды. Дүкен иесіне қатысты ҚР ӘҚБтК-нің 463-бабы (Тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды) жүзеге асыру) бойынша әкімшілік іс қозғалды, материал сотқа жіберу үшін дайындалуда», деді Успен ауданы полиция бөлімі жергілікті полиция қызмет бөлімшесінің бастығы Қуандық Шахманов.

Жыл басынан бері Павлодар облысында кәсіпкерлік немесе өзге қызметпен айналысқаны, сондай-ақ тіркеусіз, рұқсатсыз әрекеттерді жүзеге асырғаны үшін бір құқық бұзушы, 2020 жылы 135 құқық бұзушы әкімшілік жауапкершілікке тартылды.

Соңғы жаңалықтар

Пневмониядан 1 адам қайтыс болды

Коронавирус • 23 Қаңтар, 2021

Елімізде тағы 1050 адам індеттен айықты

Коронавирус • 23 Қаңтар, 2021

Биатлоншылардың бағы жанбады

Спорт • 22 Қаңтар, 2021

Ұқсас жаңалықтар