Әлем • 19 Қаңтар, 2021

Германияда респиратор тағу міндеттелуі мүмкін

3 рет көрсетілді

Германия билігі FFP2 кәсіби респираторлық маскасын тағуды міндеттеу мәселесін қарастыруда, деп хабарлайды Egemen.kz.

Bild газетінің мәліметінше, елде респираторларды міндетті түрде тағу туралы шешім сейсенбіде қабылдануы мүмкін. Сондай-ақ Германия канцлері Ангела Меркель федералды жерлердің басшыларымен коронавирустың жаңа штамдарына байланысты карантин шараларын күшейтуді талқылайды. Атап айтқанда, коменданттық сағат енгізіліп, қоғамдық көліктердің жұмысы шектелуі мүмкін, кәсіпорын қызметкерлері толығымен қашықтан жұмыс істеуі ықтимал. 

Аталған елде 16 желтоқсаннан бері қатаң карантиндік шаралар енгізілген. Мұнда азық-түлік және тұрмыстық тауарларды сататын дүкендерден басқа барлық сауда орындары жабылған. Шаштараздар, мұражайлар, театрлар, сұлулық салондары жұмыс істемейді, оқушылар қашықтан оқып жатыр.

Соңғы жаңалықтар

Ұқсас жаңалықтар