Аймақтар • 20 Қаңтар, 2021

Алматыда тұтынушылар мүддесін қорғау үшін 5 мыңдай сертификат қайтып алынды

215 рет
көрсетілді
3 мин
оқу үшін

Алматының ішкі нарығындағы қауіпсіздікті қамтамасыз етуде жүргізіліп жатқан жұмыстар қаншалықты жүйелі? Бүгін ӨКҚ брифингінде Алматы қаласы Техникалық реттеу және метрология Комитетінің департамент басшысы Сауықбек Қапаев осы туралы, яғни мемлекеттік бақылау нәтижелері мен 2020 жылғы жұмыс қорытындылары туралы баяндады.

Алматыда тұтынушылар мүддесін қорғау үшін 5 мыңдай сертификат қайтып алынды

Бірінші кезекте қажетті ұлттық стандарттарды, техникалық регламенттерді әзірлеу, мемлекеттік бақылау, өнім қауіпсіздігі, ішкі нарықты нашар және сапасыз өнімдерден қорғау мәселелеріне, сондай-ақ сынамалардың сәйкестігін бағалау​ мен өнімдер мен көрсетілетін қызметтердің сәйкестігін растау саласына көп көңіл бөлінеді.

«Негізгі мақсат өнімнің қауіпсіздігі, оның сапасының сәйкестігі, нормативтік құжаттардың талаптары тұрғысынан қала халқының тұтынушыларының мүдделерін қорғау және сынақ зертханаларының және басқа да субъектілердің сәйкестігін растаушы органдардың қызметін бақылау. Басты міндет-өндірілетін және айналымдағы тұтынылатын өнімнің қауіпсіздік сапасын анықтау», деп түсіндірді Сауықбек Қапаев.

2020 жылдың қорытындысы бойынша барлығы 83 тексеру жүргізілген, өтініштер мен шағымдар бойынша жоспардан тыс – 37 тексеріс, нысанды барып қадағалау және профилактикалық бақылау қорытындылары бойынша​ берілген нұсқамаларды орындау арқылы 18 тексеріс​ жүргізілген. 50 жағдайда Қазақстан Республикасының Техникалық реттеу, аккредиттеу және өлшем бірлігін қамтамасыз ету саласындағы заңнамасын бұзу фактілері анықталды, бұл тексерулердің жалпы санының 60%-ын құрады.

Мемлекеттік бақылау қорытындысы бойынша тәртіп бұзушыларға жалпы сомасы 18 567 642 теңгеге әкімшілік айыппұл салынды.

Өнімнің сәйкестігін растау рәсімі сақталмаған, атап айтқанда өнімді сәйкестендіру, өнім үлгілерін іріктеу және оларды сынау, өнімді таңбалауға қойылатын талаптар және сәйкестік сертификаттарын рәсімдеу кезіндегі тәртіп бұзушылықтар анықталды.

Тексеру нәтижелері бойынша 5087 сәйкестік сертификаты, 4231 сәйкестік туралы декларация, 1562 тексеру туралы сертификат қайтарылып алынды және қолданысы тоқтатылды, барлығы – 21254 өлшем құралы, оның ішінде қолдануға жарамсыз – 589 бірлік, сондай-ақ өлшем құралдарын 1салыстырып тексерушінің сертификаты, 5 927 850 теңге сомасына әкімшілік айыппұл сала отырып, 6 ай мерзімге сарапшы-аудиторлардың 23 аттестаты тоқтатылды. Қорытындысы бойынша жалпы сомасы 17 690 494 (орындалғаны -15 081 952) теңгеге әкімшілік айыппұл салу туралы 45 қаулы шығарылды.

Сондай-ақ, Алматы қаласының әкімшілік соты Департамент қозғаған 9 материал негізінде 877 148 теңге сомасына әкімшілік айыппұл салды.

Тексеру нәтижелері бойынша анықталған тәртіп бұзушылықтарды жою туралы нұсқамалар берілді.

2020 жылғы 30 желтоқсанда «Техникалық реттеу туралы» жаңа редакциядағы тиісті заң жобаларына және оларға ілеспе заң ретінде «Өлшем бірлігін қамтамасыз ету туралы», «Аккредиттеу туралы» ілеспе заңдарға қол қойылғанын атап өткен жөн.

Қорыта келгенде тоқ етерін айтқанда, «Техникалық реттеу туралы» ҚР жаңа Заңын қабылдаудан күтілетін нәтижелер легі төмендегідей болып отыр. Бұлар – ішкі нарықтағы өнімнің қауіпсіздігін арттыру; бәсекеге қабілетті және сапалы отандық өнім үшін жағдай жасау; мемлекеттік бақылаудың тиімділігін арттыру; сәйкестікті бағалау рәсімдерінің дұрыстығын қамтамасыз ету;техникалық реттеу саласындағы ұлттық заңнаманы ЕАЭО шеңберіндегі ұлттықтан жоғары заңнамаға сәйкес келтіру.