Аймақтар • 20 Қаңтар, 2021

4 080 педагог біліктілік тестілеуден өтеді

885 рет көрсетілді

Шымкентте «Білім беруді дамытудың өңірлік бағдарламасы» аясында 3 нысаналы индикатор, 22 көрсеткіш, «Шымкент қаласын дамыту» бағдарламасы бойынша 1 индикатор белгіленіп, жұмыс жүргізілуде. Осылай деген қалалық білім басқармасының басшысы Жанат Тәжиева алда атқаратын жоспарларымен бөлісті.

Фото: Береке СЕЙІТЖАППАР

ІІІ тоқсандағы оқу процесі кезекші сыныптар (52,3 %), қашықтықтан білім беру (47,7 %) бойынша басталды. Дәстүрлі форматта 17 мектеп (8 467 оқушы) білім беруде. 7 242 (1-5, 9, 11 сыныптар) кезекші сыныптардағы оқушы саны – 100 477. Қашықтан – 104 393 (47,7%) оқушы оқытылуда.

Балабақшалардағы кезекші топтарда 38 874 (65,4 %) бала тәрбиеленуде. Колледжде штаттық режимде – 12 425 студент білім алуда. 1-курс студенттері – 9 660, дуалды оқыту бойынша – 2 765 (100%).

Қалада ғылыми-жаратылыстану бағытындағы пәндердің оқу бағдарламасына оқушылардың экологиялық мәдениеті, экологиялық білімі мен тәрбиесі деңгейін арттыратын аралас курстар (дүниетану, биология, география) енгізу қолға алынды.
Қала әкімінің тапсырмасына сәйкес, барлық білім ұйымдарына индикатор түзіліп, міндеттеме белгіленді. Сонымен қатар 2021 жылы жаңадан салынатын білім нысандарына толық зерделеу жұмыстары жүргізіліп, бақылауға алынды.

Сондай-ақ басқарма басшысы кадрлық әлеуетті дамыту жоспарларын баяндады. Қалада мектепке дейінгі ұйымдағы педагог саны - 4 225, оның ішінде мамандығымен жұмыс істеп жүргендері - 2 869. Алдағы уақытта ЖОО-мен меморандум түзіліп, өз өтініштері негізінде 45 педагог 10 айлық қайта даярлау курсынан өткізіледі.

Орта мектептердегі педагогтар саны - 18 770 болса, 4 080-і ҰБТ (Ұлттық біліктілік тестілеу) тапсырады.

«Мектепке дейінгі тәрбие және оқыту» мамандығы бойынша техникалық және кәсіптік, жоғары білімі бар педагогтардың үлесін 2021 жылы 68,3 пайызға, апатты мектептер үлесін 0,7 пайызға, үш ауысымда оқытатын мектептер үлесін 10,7 пайызға жеткізу жоспарда бар.

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар