Уэйн 1961 жылдың 26 қаңтарында Канаданың Онтарио штатына қарасты Бранфорд қаласында туды. 1978-1999 жылдар аралығында «Эдмонтон Ойлерз», «Лос-Анджелес Кингз», «Сент-Луис Блюз» және «Нью-Йорк Рейнджерес» клубары сапында өнер көрсеткен ол көптеген толағай табыстар мен рекордтық көрсеткішке қол жеткізді. Атап айтсақ, Канада кубогын – үш, Стэнли кубогын – төрт рет ұтты. Ұлттық хоккей лигасының ең құнды ойыншысы атағын тоғыз рет иеленсе, ең мерген шабуылшыға тиесілі арнайы сыйлықты 10 мәрте олжалады. Түрлі сайыстарда 61 рекордты жаңартты. «Жұлдыздар матчында» алты мәрте өнер көрсетіп, 14 голдың авторы атанды. Бұл да рекорд! ҰХЛ-да барлығы 1487 рет мұз айдынына шығып, 894 гол соқты. Тағы 1 963 рет нәтижелі пас берді.
Кезінде әлемнің ең үздік хоккейшісінің бірі саналған Марк Мессьенің өзі айтулы азаматты «Енді Гретцкидей ойыншынымен қайта қауышуымыз неғайбыл. Ол жүз емес, мың жылда бір қайталанатын керемет құбылыс!» деп бағалаған еді.
1999 жылы 38 жастағы Уэйн Гретцки үлкен спорттан қол үзгеннен кейін оның есімі Хоккей даңқы залына алтын әріптермен жазылды. 2006-2009 жылдар аралығында даңқты ойыншы «Финикс Койотис» клубын жаттықтырды. Қазіргі кезде Гретцки бизнестің бел ортасында жүр.
