Медицина • 26 Қаңтар, 2021

Пандемия жағдайындағы Алматыда МСАК рөлі күшейтілді

11 рет көрсетілді

Алматы қаласының №32 қалалық емханасының бас дәрігері Артур Қажыбаев бүгінгі  ӨКҚ брифингінде COVID-19 жұқтырған адамдарды үйде емдеуде алғашқы медициналық-санитарлық көмек ұйымдарының жұмысы туралы баяндады, деп хабарлайды Egemen.kz

«Пандемияға байланысты күрделі жағдайды ескере отырып, Алматы қаласының әкімі Бақытжан Сағынтаевтың тапсырмасы бойынша COVID-19-ға қарсы күресте МСАК рөлі күшейтілді.

«№32 қалалық емханаға» тіркелген тұрғындар саны – 34 653 адам болса, оның ішінде 11 811 бала, 22 842 ересек адам бар, оның ішінде 70-тен асқандар ­– 2005. Емхананың жоспарлы қуаттылығы ауысымына 450 келушіні құрайды.

Медициналық жабдықтардың ішінен емханада МРТ, тұз шахтасы, лор-комбайн, электроэнцефалограф, АҚ және ЭКГ холтерлік мониторлеуге арналған аппарат, спирометр, стоматологиялық қондырғы, ЭКГ аппараттары бар.

Емханада КВИ-мен күресу жоспары әзірленді, оған инфекция көзіне, қоздырғыштың берілу механизміне, әлеуметтік сезімтал контингентке қатысты іс-шаралар, сондай-ақ дәрі-дәрмекпен қамтамасыз ету және материалдық-техникалық жарақтандыру кіреді», - деді бас дәрігер.

Сондай-ақ денсаулық сақтау министрлігінің 2020 жылғы 13 тамыздағы № 505 «COVID-19 күдікті және ауруы бар науқастарға медициналық көмекті ұйымдастыру туралы» бұйрығына сәйкес медициналық ұйымдарда COVID-19 бар науқастарды амбулаториялық бақылау бойынша уақытша мобильді бригадалар құрылды.

Бүгінде медициналық бақылауда 23 адам бар, оның ішінде оң нәтиже расталған – 21, пневмониямен – 9 адам және 3 бала, 65 жастан жоғары 5 пациент бар. Қала стационарларында КВИ-мен 6 науқас емделуде.

Бұл емханада 14 қызметкерден тұратын 7 мобильді топ жұмыс істейді. Олардың жүктемесі эпидемиялық жағдайға және тіркелген халық санына байланысты бөлінеді. Бұл бригадалар жедел респираторлық ауру белгілері бар және КВИ күдігі бар немесе коронавирустық инфекциясы бар науқастарға үйде қызмет көрсету үшін құрылған.

Мобильді бригадалар медициналық қызметтер кешенін көрсетеді (шақыруларға қызмет көрсету, пациенттерге кеңес беру (аудио-видео), телемедицина орталығымен жұмыс істейді, чек-парақты толтыруға үйретеді. Сондай-ақ, дәрі-дәрмектерді үйге тағайындайды және жеткізеді.

2020 жылдың наурыз айынан бері 316 пациентке кеңес берілді, оның 286-сы ПТР (КВИ) оң нәтижесімен, 2021 жылдың 1 қаңтарынан бастап 26 пациент бақылауда. Оның ішінде 23 пациент КВИ жұқтырған. Заманауи гаджеттері бар барлық пациенттермен бейне-қоңыраулар арқылы кеңес берілді. Бұдан басқа, мамандар биологиялық материалдардың үлгілерін алуды жүргізеді (2020 жылы 2171 пациенттен ПТР алу жүргізілді, оның ішінде оң мәнді – 85 адам (4%) құрайды, 2021 жылғы 1 қаңтардан бастап – 221 ПТР алынды, оның ішінде оң мәнді– 9 адам (4%) құрайды. Сонымен қатар, дәрілік заттарды тағайындалады және үйге жеткізіледі.

 «Уақтылы емдеу науқасты тез оңалтады. Пандемия кезеңінде 316 науқасты мобильді топ қарап шықты, олардың 90%-дан астамы қалпына келді», ­­- деді бас дәрігер.

МСАК мамандарының іс-қимыл алгоритмі төмендегідей:

  • бақылау парағы бойынша жалпы жағдайды бағалау үшін пациенттерге күнделікті бір реттік қоңырау шалу (температура, жөтел, ентігу, әлсіздік және т.б.), сатурацияны өлшеу, яғни өкпенің оттегімен қанығуын (күн сайын үйге барып). Қажет болған жағдайда бейне кеңес беру, бірақ 3 күнде 1 реттен кем емес; көрсеткіштер бойынша бейінді мамандардың консультациялары жүргізіледі;
  • егер пациентте КВИ белгілері болмаса, онда бақылау бұрынғы режимде жалғасады-14 күнге дейін, егер коронавирустық инфекцияның белгілері пайда болса, пациент дереу ауруханаға жатқызылады.

«Айта кету керек, біздің ұйымда коронавирустық инфекцияны емдеуге арналған дәрі-дәрмектер жеткілікті мөлшерде», деді бас дәрігер.

Соңғы жаңалықтар

Әулие ата һәм ұлы жырау

Руханият • Кеше

Ұқсас жаңалықтар