Аймақтар • 27 Қаңтар, 2021

Әке жолын жалғар ұл

753 рет көрсетілді

Елдің ыс­тық ықы­ласына бө­лен­ген танымал айтыс ақын­дарының қатарында атыраулық Салауат Иса­хаев та бар еді. Алай­да сұм ажал оның өм­ірін қи­­ып кетті. Енді оның айтыс­­тағы жолын ұлы Ернұр жал­ғас­тырғалы отыр. Жақында ол «Ха­бар» аген­т­тігі ұйым­дастырған «Аitystar» теле­жобасының же­ңім­пазы атан­ды.

Қазір 16 жастағы Ернұр Исахаев Жы­лыой ауда­нындағы Шоқпартоғай ауылында тұрады. Осындағы №3 орта мек­тептің 10-сыныбында оқиды.

– Бұл жобаға келмей қалған ақындардың орнына қатысу үшін айтыскер Балғынбек Имашев шақырып еді. «Бағыңды сынап көр» деп ұсыныс айтты. Осыдан екі жыл бұрын әкемді еске алуға ар­налған айтысқа қа­тыс­­қан едім. Ал мұн­дай мүмкіндік кейін қай­та­ланбайтын шығар. Сол себептен, жобаға қаты­судан бас тартпадым, – дейді Ернұр Исахаев.

Оның айтуынша, әкесі Салауат көзі тірісінде ұлын айтысқа шығар­ма­ған екен. Бәлкім, қанаты қатая түссін деген болар. Сөз өнерінің қадірін ұғындырып, шеберлігін шыңдар тәлім бергісі келген шығар. Деген­мен, айтыскер әкесінің жолын жалғастырғысы келген жас өрен­нің талабына Балғынбек Имашев қолдау білдірді. Сөйтіп, өзінің домбырасын сыйға тартты.

– Ақтық сындағы басты ерекшелік – айтыс­керлердің шоу-бизнес жұлдыздарымен жұптаса өнер көрсетуі. Менің жұбым – әнші Ердос Қанаев. Көп жыл аудандық, облыстық байқауларға қатысып келемін. Енді міне, республикалық тележобада бас жүлдеге ие болдым. Мектеп бітірген соң Қазақ ұлттық өнер университетінде актерлік, шығар­машылық бағытта жоғары білім алғым келеді. Әдебиет, тарих, математика пәндеріне ерекше қызығамын, – дейді Ернұр Исахаев.

 

Атырау облысы

 

Соңғы жаңалықтар

Ақыретке дейінгі адалдық

Өнер • Бүгін, 10:23

Hayat-Vax қандай вакцина?

Медицина • Бүгін, 07:21

Көңіл және қоғам

Қоғам • Бүгін, 07:20

Қайта түлеген Түркістан

Қазақстан • Бүгін, 07:11

Заманмен рухтас оқу орны

Білім • Бүгін, 07:10

Диқандар дала жұмыстарына шықты

Аймақтар • Бүгін, 07:07

Ұқсас жаңалықтар