«Атырау қалалық полиция басқармасына Қ.Сәтпаев көшесінде орналасқан фитнес орталықта жаттығатын 5 жігіт қомақты көлемде ақша ұрланғаны жөнінде арыз түсірді. Оларға келтірілген қаржылай шығынның көлемі 159 000 теңгені құрады. Осыған орай тексеру жүргізген полиция қызметкерлері ұрлыққа қатысы бар 31 жастағы азаматшаны анықтап, ұстады. Күдікті арызданушылардың ақшасын жымқырып келген», деп хабарлады департаменттің баспасөз қызметі.
Қазір ұсталған күдіктіге қатысты ҚР Қылмыстық Кодексінің 188-бабының 1 және 3-бөлігімен сотқа дейінгі тергеу жүріп жатыр.
