Қазақтың дәстүрлі әні «Самалтауды» Димаш алғаш рет 2019 жылдың 20 қазанында Қытайдың Фучжоу қаласында өткен халықаралық «Жібек жолы» кинофестивалінде орындаған болатын.
Сондай-ақ әнші бұл әнді жақында АҚШ президентінің ұлықтау рәсімінде айтқан болатын.
Қазақтың ұлттық аспабы – қобыздың сүйемелдеуімен шырқалып, иттердің үні, құстардың шуылы, даланың әуезі естілетін ән қазақ халқының тарихына сапар шектіргендей болады. Әнге Димаштың шетелдік тыңдармандарының құмартқаны соншалық – оны әлемнің түкпір-түкпіріндегі жанкүйерлер шырқай бастады.