Алғашқы кезеңде қос команда бір-бірінің қақпа кілтін таба алмады. Тек үзілістен кейін ғана жағдай өзгеріп, «Барыстың» ойыншылары есеп ашты. 23 минутта Алекс Линтуниемиден әдемі пасынан кейін Кирилл Панюков нысананы дәл көздеді. Десек те одан кейін «Металлургтің» хоккейшілері ойын тізгінін қолдарына алып, үш мәрте мергендік танытты. Атап айтсақ, 31 минутта Андрей Нестаршил таразы басын теңестірсе, 46 минутта Михаил Пашнин екінші голдың авторы атанды. Ал 54 минутта Николай Голдобин кездесудің соңғы нүктесін қойды. Есеп – 3:1.
Өзінің келесі кездесуін «Барыс» 5 ақпанда Новосібірдің «Сибирь» клубына қарсы өткізеді. Арада тағы екі күн өткеннен соң қайта Магнитогорскіге сарап шегіп, «Металлургпен» күш сынасамыз.
