Білім ұялары карантинге жабылды

Естеріңізге салар болсақ, үшін­ші тоқ­саннан бастап мектеп оқушылары дәс­түрлі оқу фор­­матына көшкен болатын. Жуыр­да қалалық санитарлық-эпи­де­миялық ба­қы­лау де­пар­таменті офлайн оқуды қай­та бастаған бірқатар мектеп­ті шұғыл тексеру кезінде көп­ші­лігінде ғимарат ішінде бет­пер­десіз жүру жағдайын анық­тады. Са­нитар дәрігерлер сынып бөлмелеріне кварц уақтылы қойыл­мағанын, құрғақ және дым­қыл тазалау жұмыстарының өзі дұрыс жүргізілмегенін айтады.

Шаһарда осы жылдың 1 қаң­та­рынан 1 ақпанға дейін оқу­шылар арасында COVID-19 ви­ру­с­ының зертханалық рас­тал­ған 39 дерегі тіркелген. Ма­мандар мұ­ны мектептерде оқу­шы­­лардың шамадан тыс көп болуы­мен байланыстырады. Ал 2020-2021 оқу жылының басынан бері мектеп оқушылары арасында коронавирус инфекциясының 64 жағдайы анықталған.

Салалық департамент індет­тің бар­лық тіркелген дерегі бо­йын­ша эпи­де­миялық тек­серулер жүргізу барысында 64 жағ­дайдың 18-і күндізгі режімде, қал­ған 46-сы онлайн форматта оқы­ғаны белгілі болғанын жет­кіз­ді.

«Қаладағы №66, №23, №48 мек­теп­термен қатар физика-ма­тематика бағытындағы Назар­баев зияткерлік мектебіне де шара қолдандық. Назарбаев зият­­­­керлік мектебі жуырда ка­ран­­­тин­нен шықты. Басқа да білім беру мекемелерінің карантин талаптарын қаншалықты сақта­ғанын күнделікті тексеріп отырмыз. Кемшіліктер бар. Бұл мек­тептерге тексеру қорытын­ды­сына сай әкімшілік шара қолданатын болады», дейді қалалық санитариялық-эпидемиологиялық бақылау де­пар­­таментінің бөлім басшысы Роза Аханова.

Зерттеу қорытындысы бойынша салалық департамент тәж тажалдың таралуын болдырмау мақсатында 13 мектепте дезинфекция жүргізіп, 14 күнге карантин жариялады. Бүгінде №18, №6, №66, №104, және №35 мектепте карантин жарияланған.

Соңғы мәлімет бойынша, Шым­кентте коронавирус салда­рынан карантинге жа­был­ған мек­теп­­тердің саны тоғызға жетті. Ма­мандар жұқпалы індет­тің әр­бір жағдайы бойынша эпиде­миялық зерттеу жүр­гізу­де. Мысалы, зерттеп-зерделеу кезінде ша­һар­дағы №18 мектепте вирусты ең әуелі мұ­ғ­а­лім жұқтырғаны бел­­гілі болды. Осыдан кейін ін­дет атал­ған білім ұясындағы тағы 4 оқу­шы­дан анықталған.

Қазіргі таңда аумақтық бас­қарма мамандары тұрақты түрде қала мектептерінде сани­та­р­лық-эпидемиялық талаптарды сақтау бойынша түсіндіру жұ­мыс­тарын жүргізуде.

 

ШЫМКЕНТ