Құрманғазы ауданының әкімі Қайрат Нұртаевтың мәліметінше, былтырғы балық аулау маусымында 350 тонна балық Еуростандарт талабына сәйкес өңделіпті. Ауданда балық шаруашылығымен айналысатын құрылымдар 3361 тонна балық өнімін Ресей Федерациясына, Грузия мен Украинаға экспортқа жіберіпті.
«Осы кезге дейін ауланған балықтардың басым бөлігі шет елдерге мұздатылған, салқындатылған, мұздатылған, кептірілген күйінде өңделіп, Еуростандартқа сай жіберілетін еді. «Каспий-Балық» өндірістік кооперативі балық өнімін өңдеу, тоған шаруашылығын дамыту үшін Ресей Федерациясынан инвестор тартты. Өндірістік кооператив инвестормен бірлесіп, Бірлік ауылынан балық өндеу цехын ашты. Жобаның құны – 200 млн теңге. Цехта тәулігіне 30 тонна балық өнделеді. Оған 50 адам тұрақты жұмысқа тартылып отыр» деді Қайрат Нұртаев.
