«Әрине, қазақ халқы үшін, қазақ жерін мекендеген басқа этнос өкілдері үшін ашаршылық үлкен трагедия болды. Бірақ мәселені объективті тұрғыдан зерттеу үшін эмоцияны қалдырып, ашаршылықты ғылыми феномен ретінде зерттеу қажет», - деді ғалым.
Еркін Әбіл ашаршылық ақиқаты туралы нақты деректерге негізделген ғылыми және ғылыми-көпшілік материалдардың жарық көргені жөн екенін тілге тиек етті. Сонда ғана келешек ұрпақ Тәуелсіздіктің біздің халыққа оңай жетпегенін, сол жолда қаншама халықтың шейіт болғанын сезінер еді деді тарихшы-ғалым.
Сенат Төрағасы Мәулен Әшімбаев, өз кезегінде, ашаршылық тақырыбын көтеру – қастерлі Тәуелсіздігімізді нығайту, төл тарихымызды және оның шешуші кезеңдерін терең тану, тарихтан тағылым алу үшін керек екенін жеткізді.
