Театр • 24 Ақпан, 2021

«Ауыл хикаялары» спектаклінің премьерасы өтеді

Ә.Мәмбетов атындағы мемлекеттік драма және комедия театрында 2021 жылдың 27-28 ақпан күндері Алтайдың көрнекті жазушысы О.Бөкейдің «Ауыл хикаялары» спектаклінің премьерасы өтеді, деп хабарлайды Egemen.kz қала әкімдігінің ресми сайтына сілтеме жасап.

Marzhan Tileubekova

«Ауыл хикаялары» драмасы суреткер О.Бөкейдің «Апамның астауы», «Қош, махаббатым» және «Маңдайдан бағың шайқалса» әңгімелерінің желісі бойынша сахналанады. Көрермендер өкініш пен қоштасу, қуаныш пен мұң, махаббат пен қимастық сезімін бастан кешіріп, кіші сахнада қойылымның қатысушына айналады. Қойылым сіздің жүрек түбіндегі ыстық сезімдерді оятып, асыл шақтарыңызды еске алуға, сіз үшін қымбат жандармен тағы бір мәрте тілдесуге, сырласуға мүмкіндік береді.

Режиссерлері: Қазақстанның еңбек сіңірген қайраткері – Сайлау Қамиев, Нұржігіт Муслимов, Әли Бидахмет, суретші – Айнұр Есболатова.

Кейіпкерлер мен орындаушылар:
«Апамның астауы»: Бала – Ақниет Жақсығали, автор – Нұржігіт Муслимов, апа – Ажар Шәкіржанова, Қашыбай – Бағлан Иманғазинов, музыкант (баян аспабында) – Ақжол Амантай, әнші (жеке дауыста) – Қорлан Қартқожақова.

«Қош, махаббатым»: Балағаз – Ризабек Әли, Жанна – Ділнәз Ертаева, Қапаш – Бақтияр Қуандық, Айтжамал – Меруерт Қуантаева, Рахима – Еңілік Айымғазы, Нұртөре – Қазбек Аманжол, Жарас – Әли Жарасұлы, музыкант (гитарада) – Алмас Асқарұлы, әнші (жеке дауыста) – Альбина Валиева.

«Маңдайдан бағың шайқалса»: Автор – Әли Бидахмет, Дарын Нұрсадық, Шаған – Бейбарыс Асқарбеков, Ерасыл Аханов, Апа – Гүлмира Жакилина, Ата – Айбол Шәкіржанов, Қаған – Әли Жарасұлы

«Алтайдың Кербұғысы» атанған заңғар жазушы Оралхан Бөкейдің әңгімелері өміршеңдігімен, терең сырлы лирикасымен ел жүрегінен өз орнын, мәртебесін алған.

Күннің маңызды және өзекті жаңалықтарын «Егемен Қазақстан» телеграм каналынан оқыңыз