Қоғам • 25 Ақпан, 2021

QR-төлемдер ХҚО-дағы уақытты үнемдеуге мүмкіндік береді

227 рет
көрсетілді
1 мин
оқу үшін

«Азаматтарға арналған үкімет» QR-код арқылы баж салығын төлеуге болатын мемлекеттік қызметтер қатарын ұлғайтты. Енді алматылықтар смартфондары арқылы қаладағы ХҚО-ларда кез келген мемлекеттік қызметтің төлемін бірнеше секундтың ішінде жолдай алады, деп хабарлайды Egemen.kz.

QR-төлемдер ХҚО-дағы уақытты үнемдеуге мүмкіндік береді

«Мемлекеттік қызметтер үшін QR-төлем жасау жобасы бірнеше ай бұрын іске қосылған болатын. Осы уақыттың ішінде біз тиісті құрылғыны қаладағы барлық 9 халыққа қызмет көрсету орталығына  орнаттық», - дейді «Азаматтарға арналған үкімет» мемлекеттік корпорациясы Алматы қаласы филиалының директоры Данияр Қырықбаев.

Енді азаматтар қандай бір қызметті алған кезде төлем жасау үшін менеджерден QR құрып беруін өтініп, сосын өзінің смартфоны арқылы бірнеше минуттың ішінде төлей алады. Айта кету керек, әр клиент үшін әрбір қызмет бойынша жеке QR-код жасақталады.

QR-код арқылы, мысалы, жер учаскесіне актілерді дайындау және беру, жылжымайтын мүлікке құқықтарды, банктік қарызға алу шарты бойынша талаптар құқығын беруді, кондоминиум объектісін, заңды тұлғаларды мемлекеттік тіркеу, сондай-ақ жер қатынастары, жылжымайтын және жылжымалы мүліктер саласындағы басқа да мемлекеттік қызметтер үшін төлем жасауға болады.

Азаматтар ХҚО-да мемлекеттік қызметтердің ақысын Homebank және Kaspi.kz қосымшасында QR-код арқылы кезексіз, қауіпсіз және тез төлей алады.