Елордалықтар ақпан айында МӘМС-ке 3,2 млрд теңгеден аса жарна аударды

Аймақтар • 05 Наурыз, 2021

Елордалықтар ақпан айында МӘМС-ке 3,2 млрд теңгеден аса жарна аударды

6 рет көрсетілді

Елордалықтар 2021 жылдың басынан бері медициналық сақтандыру үшін 5,4 млрд теңгеден аса жарна аударды, ал ақпан айында МӘМС үшін 3,2 млрд теңгеден аса жарна түсті. Бұл туралы «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының баспасөз қызметі хабарлады.

Ақмарал АҒЗАМҚЫЗЫ

Нұр-Сұлтан қаласы бойынша 2017 жылдың 1 шілдесі мен 2021 жылдың 28 ақпаны аралығында медициналық сақтандыру үшін жинақталған жарнаның жалпы сомасы 63,5 млрд теңгеден асады.

«Осы жылдың ақпан айында медициналық сақтандыру үшін елордалықтар 3,2 млрд теңгеден аса жарна аударған. Оның ішінде 1,5 млрд теңге – жұмыс берушілер аударымдары, ал жеке кәсіпкерлерден 1,7 млрд теңгеден аса жарна түскен. Сондай-ақ 2021 жылғы 28 ақпандағы жағдай бойынша 6 333 адам бірыңғай жиынтық төлем бойынша МӘМС-ке жарна төлеген. Әлеуметтік медициналық сақтандыру қорына түскен барлық міндетті әлеуметтік медициналық сақтандыру жарналары, яғни жинақталған қаржы, сенімгерлік басқару туралы жасалған келісімшартқа сәйкес Ұлттық банкте сақталады, Міндетті әлеуметтік медициналық сақтандыру пакеті шеңберіндегі қызметтер ақысын төлеуге жұмсалады», дейді «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының директоры Нұрлыбек Қабдықапаров.

Медициналық сақтандыру қоры пациенттер құқығын қорғайды. Сондықтан азаматтар мобильді қосымшаларда өз деректерін тексеруге және сәйкессіздіктер анықталған жағдайда қордың елордалық филиалына хабарлауға болады. Сондай-ақ 1406 телефонына немесе Qoldau 24/7 мобильді қосымшасы арқылы байланысуға болады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз