Компанияның мәліметінше, Киевтен Алматыға рейс жұма күндері, ал кері бағытта сенбі күндері болады. Жолаушыларды Boeing 737-800 NG ұшағы тасымалдайды.
Алматыға рейс билеті 5 012 гривен (75 660 теңге), ал Киевке - 4 906 гривен (74 060 теңге) тұрады. Economy Basic тарифімен өлшемі 55х40х20 сантиметрден аспайтын, тоғыз килограмға дейін қол жүгін бортқа тегін алуға болады. Екінші қол жүгі үшін билетті онлайн сатып алғанда 12 доллар (5 052 теңге) немесе әуежайда билет сатып алғанда 25 доллар (10 525 теңге) төлеуге тура келеді.
Economy Standard тарифімен көлемі 55х40х20 сантиметр болатын салмағы тоғыз килограмға дейін және көлемі 35х20х10 сантиметр болатын бес килограмға дейін екі қол жүгін тегін алуға болады. Екі үлкен қол жүгін (тоғыз килограмға дейін) Economy Flex тарифімен тегін алуға болады.
Сонымен қатар, 1 сәуірден бастап ноутбук, сырт киім, қолшатыр, кітап немесе журнал, қағазға арналған папка, Duty-free тауарларды сөмкеге немесе қол жүгі ретінде ұсталған чемоданға салу керек. Жолаушы багажды тегін (Standard тарифінен бастап) тіркей алады. Багаждың салмағы - 23 килограмға дейін. Flex тарифімен жүктің салмағы 32 келіге жетуі мүмкін.
